ورقہ 180

3343
رہے شراب کباب ربابیں دس دن تے دس لیلاں
بعد اس تھیں نت رہندے آہے وچ خوشی دیاں سیلاں
3344
جاں کوئی روز گذشتہ ہوئے کردے عیش جوانی
تاج ملوک خوشی کر ہک دن کرن لگا مہمانی
3345
سبھ فوجاں کروایاں موجاں عیداں خذِمتگاراں
سیف ملوکے نوں پھر دیندا دولت مال ہزاراں
3346
لاکھ خزانے بھرے دہانے زیور ہور شہانے
کئیں پوشاکاں سُچیاں پاکاں زین اسباب ترانے
3347
کوتل ہور پنجاہ دتے سن نال اسباب سنہری
پوزی کلغی جھلمل کردی جیوں کردِینھ دوپہری
3348
ساخت تنی لگام رکاباں کِلے رسے سارے
سونے موتیں نال جڑاؤ کوتل خوب سنگارے
3349
وہتر ہور بلیوے والے گونٹ خچر اُٹھ گھوڑے
جامے بہت دتے زرکاری زِرہاں کلغی توڑے
3350
ہاتھی کئیں عماری والے بہتے خونی جنگی
چھوکریاں تے گولے دتے رومی ختنی زنگی
3351
ہندی آن اداواں والے پتلے لک جہناں دے
بولی خوب طبیعت ہولی لٹک تُرن ول کھاندے
3352
سینے سنگ تے انگ پکے سن سانو لڑے رنگ سوہنے
مور چکور تے ٹور کھگاں دی چور دلاں نوں موہنے
3353
چینی لونڈے روپاں والے مکھ سُوہے گُل لالے
بدن صفائی چِین نہ کائی چمکن چین پیالے
3354
نفر خطائی نہ خط آئی دسن پاک خطائیوں
ذرا خطائی کسے نہ جائی راس سُچن ہر جایوں
3355
نقش چگل دے میوے دل دے حسن بسنت بہاراں
رنگا رنگ پھلاں دی صورت کردے قید ہزاراں
3356
نرگس نین سیاہ کشمیری بِن پیتے متوارے
مِرگ نیناں دیاں شاخاں جڑکے شیر جنھاں پھڑ مارے
3357
رومی شوخ چلاک لڈِکے جو ہتھ آون چِرکے
اگے آئے بھی چُھٹ جاون رُوم کُھلن دےہہ پِھرکے
3358
سیف ملوکے تائیں دتے خدمت گار اجیہے
تنبو خےمے ہور قناتاں انت حساب نہ ریہے
3359
لعل جواہر مانک موتیں دولت مال خزانہ
بخشے سیف ملوکے تائیں جو ہتھیار شہانہ
3360
تاج ملوک اوہنوں دن راتیں رکھدا کول بہالیں
ہر تدبیر صلاح عقل دی اس نوں کہے دسالیں
3361
سیف ملوکے نوں رکھ کولے رہندا دل پرچاندا
قصے عشق محبت والے آہا نت سناندا

لفظالی:
ربابیں= سنگیت سنگت وچ، لیلاں= راتاں ، بھرے دہانے= نکو نک مُنہ تک بھرے ہوئے ، ترانے = سریر دے بچا لئی ورتیندا جنگی لباس مثلاً زرہ بکتر۔ خود وغیرہ، دِینھ=سورج ، وہتر=لادو۔بھار چکن والے جانور،بلیو ے= گھر یلو اسباب، گو نٹ= مد ھرے قدو ے گھو ڑے، کلغی=متھے تے آئی پگ دی چوٹی تے ٹکیا ہیر ے جڑ یا گہنا،توڑا =پگ دے اُتلے ول اُتے لپیٹی جاو ن والی سو نے دی زنجیر ی ،خُتنی=خُتن ملک دے جتھو ں دی کستوری مشہو ر اے ، زنگی=حبشی،آن =شر م حیا۔ عزت آبرو،ادا=کو ئی محبوبی حر کت ،کھگ= پنچھیاں دا راجا۔ گر ڑ جس تے و شنو نے سواری کیتی اے،سینے سنگ= پتھر دی سختی والے پستان، پکے انگ = جوانی نال حساس ہوئے انگ، چین = وٹ شکن ، چین پیالے= چینی دے پیالے وانگوں ، نہ خط آئی= جنہاں نوںحالے مس نہیں سی پھُٹی، راس سُچن ہر جایوں= ہر تھاں توں ٹھیک ٹھیک سُچے پاک پاکیزہ ، لڈِکے= لاڈلے، چگل= ٹ ک تفصیلاں،