ورقہ 345

6465
صورت سیرت ولّوں آہا مہتر یوسف ثانی
تاہییں مِلی میراث اُوہناں دی کھُوہ پیا زندانی
6466
بے نظیر شہزادہ آہا عشق پری دے پھڑیا
تاہییں قید دیواں دی اندر جا بے چارہ جھڑیا
6467
پٹ پہاڑ دتاّ چا اُتے منہ کھوہے دا کجیا
دیکھ عاشق دی بُھکھ محمد اجے نہ عشقوں رجیا
6468
دیواں قتل کرن تھیں چھڈیا قید برُی وچ پایا
بُھکھا تے ترہایا مرسی سہم اوہناں کجھ آیا
6469
اوس پُڑے وچ موری کیتی وانگ چکی دے گالے
اَن پانی لمکاون اوتھوں پاکے وچ پیالے
6470
کدی کدی کجھ روٹی پانی تھوڑا بہتا کھانا
سیف ملوکے ول پہنچاون کر کے خوف ربانا
6471
جاں شاہ مہرے باہر کڈھے روشن وانگر اگیّ
اعظم اسم زبانوں پڑھیا لو کھوہے وچ لگی
6472
سپ اٹھوئیں ہور خزندے نس چھُپے وچ دھرتی
مہتر یوسف والی حالت سبھ اوتھے ونج ورتی
6473
پیریں سنگل بیڑی بدھی کن چا نپاں گل گولے
ہتھ ہتھوڑی سنگل نالے کجھ بھارے کجھ ہولے
6474
آب حیات کھرے دا چشمہ سیف ملوک شہزادہ
وچ ہنیر کھوہے دے بیٹھا رب دا ویکھ ارادہ
6475
نال افسوس اوہدے کر بیٹھا انبر بانا نیلا
سورج دا غمناکی کولوں ہو گیا رنگ پیلا
6476
سینے داغ چنے نوں لگا تک کے شاہ دا رُولا
نِت دہاڑے گھٹدا جاندا کہندا ہائے مقبولا
6477
کت ول نس ونجاں اسمانوں دھاڑا لوکو دھاڑا
دند تیرے کہے تیز اساں تے ہے بڈھیا بگھیاڑا
6478
یوسف ثانی ویکھ جوانی ترس نہ آوے تیں نوں
خوب جوان اجیہا پکڑیں عالم دیکھے جیں نوں
6479
پیا خیال اساڈے ویری کس نوں کوک سنائیے
ظالم ستم ہمیشِہ کردا کِت پاسے نس جائیے
6480
اوّل لاء امید بھلے دی قید بری وچ پاندا
کھڑ خورشید دوپہراں اُتےّ دھرتی وت ڈباندا
6481
دن دن وادھا گھٹ چنے دا کر چودھیں نوںپورا
پھیر اتھائیں راتیں توڑی کر چھڈ دا بے نورا
6482
کوک دُہائی کرے لوکائی دو لابی اسمانوں
نت کھوہے وچ سٹدا پھڑکے روشن چن جیہاں نوں
6483
باغ دلاں دے اندر چردا بک لڈکا پھڑکے
بگھیاڑاں دے ہتھ پھڑ اندا ونڈ ونڈ کھاؤ کھڑکے

لفظالی:
پنجر=پنجرا،سہاو ے=جھلا وے،بتے باز=دھو کھے باز۔ نو سر باز اک ز ما نے سار یا ں مصیبتاں اتا ر ن دا ذ مہ دار اسمان نو ں سمجھیا جا ند ا سی،درُگ=انھاغا ر ۔ ڈ ھٹھا کھو ہ ،کا ٹھ =لکڑ دا شکنجہ جس وچ مجر م دے دونویں گٹے ملا کے کسے جا ند ے سن ،رین=رات ، سنگل=زنجیراں،سیخاںدے منہ =کبا بی سیخ پہلا ں سینہ پا ڑ کے د سر لنگھد ی اے پھر ز مانہ بیر ے نو ں اگ تے دھر دیند ااے ،سا ن =سن ۔آہن ، بھنجال =بھا ئیوال،نا لش =شکا یت پا روں مقد مے با ز ی ،بے دا ری=بے انصا ف ،انیا ئیں،نیا ں نہ کر ن و ا لا ،ٹ ک اند ھیر نگری بے دا د راجاٹکے سیر بھا جی ٹکے سیر کھا جا،شر کت سا دھنا=شریکا و ڈنا۔مقا بلہ کر نا،گما یا=گو ا یا،ہتیارے =ظا لم ہتیا کر ن وا لے ،ہتھ لگدا =مِلدا ،غر یبا ں = مسا فرا ں ،طا قت سکت تو ں بغیر ،سترا نا=چو کھے بل ترا ن زو ر والا،سار=(١)دل مغز (2)لو ہا ،نِج جنیند ی ما ئی =ما ں نہ ای جندی تے چنگا سی (بد د عا ئیہ جملہ) گھلتی=گڑھتی،لکھو ا ئی=تحریر(آکھدے نیں تقد یر متھے تے لکھی ہو ند ی اے)باہرا ہوکے= ودھ کے۔ زیادتی کرکے، ہئے ہئے = ہائے ہائے ،