ورقہ 16

خواب دیدنِ یوسف مرتبہ ء سوم بہ بہم سا لگی از عُمر مبارکِ خود

نوویں برسے یوسف تائیں خواب اَویہی آئی
دس بھگیاڑاں گھیر لیا سُو وچ جاگا صحرائی
ہر اک دند چلاوے مارے چاہے مار گواوے
یوسف ڈردا پیا تڑفدا کجھ سرِ پَیر نہ آوے
اک بگھیاڑ جو زورا کیتا چا دندیں لے دَھایا
یوسف تڑف چھٹا تِس مُونہوں اُٹھیا اُبھڑوایا
آ یعقوب نبی دی خدمت ایہہ بھی حال سُنایا
سُن پیغمبر درد غماں دے دل تھیں جوش لیایا
سمجھ حقیقت یوسف تائیں جُدا نہ کرے کداہیں
جان میری نہ جا دُراڈا صبر دِلے نُوں ناہیں
روز غماں دے آون لگے دل نے خبراں پائیاں
تے اوہ وقت فراقاں والے کردے کُوک دُہائیاں