ورقہ 22

فرود آمدن کاروانیانِ مصر برسر چاہ و برآوردن ازان یُوسف را
وخریداری نمودن از برادر انش بدر اہم معدودہ و پیش گرفتن راہِ مصر
ذِکر حکایت کہ دَرراہ روی نمود و رسانیدن اُورا دَر مصر
اے ساقی بھر جام شرابوں دے مخموراں تائیں
دل وچ درد ہویا انگیارا قطرہ گھت بُجھائیں
شعلہ شوق اُٹھاواں غالب جاں مستی وچ آواں
قلب جگر دے دولت خانے کر آتش دِکھلاواں
بھُج بھُج مرن برہوں دے جالے ہو ہو بُریاں سینے
جھڑے نمک دل ریشاں زخمے روسن بے تسکینے
سینے لاٹ جیہناں دی بلدی ہجر سجن دے داغوں
رخت جلے بے صبرے دل دا گھر دے ایس چراغوں
جان تے عشق غلام رسولے نازک نوکاں لائیاں
شوق طلب وچ وقت وہاندے غفلت واگاں چائیاں
مظہر شان اوسے دا ہر ول جس دا شوق پراناں
ول ول کے گُھت ڈونگھے وہنے جوش بھرے من بھاناں