ورقہ 148

خاتمۃ الکتاب

جس دن میں آغاز قصے تے اسم اللہ دا پڑھیا
باراں سو تے نوے ہجری سال مبارک چڑھیا
سارا ماہ محرم مینوں وچ تصنیف وہایا
اج اخیر محرم سندی جاں مقصد سر آیا
احسن القصص دھر نام قصّے دا میں لکھیا تن واری
پورا سال ہویا تصنیفے نال ربے دی یاری
چھے ہزار چھیاہٹ چھے سو بتیاں گنتی آئیاں
ناقص شعر کمال حقاء رب دیاں بے پروائیاں
اے ناظر کر غور وڈیرا ویکھ سُخن دیاں لہراں
ایہہ گُلشن بُستان اِرم تھیں شوق وگن وچ نہراں
ایہہ گلزار بہار عنایت کُھلی لُطف اِلاہوں
عشق مؤثر نظری آیا درد بھری اس اہوں
پکڑ قلم بھر عشق اُلنبہ ورقاں وچ وگائی
رخت جلے وچ سوز برہوں دے ویکھ رہن سودائی
اصل بیانوں وچ سُخن دے میں نہ گل رلائی
سورۃ یوسف دی تفسیروں سچی گل سُنائی
یارب جو کجھ میرے کولوں خطا گیا ہو کائی
اپنے فضل کرم تھیں بخشیں نہ ہووے رُسوائی
پڑھدے سُندے عاصی تائیں کریو نیک دُعائیں
رحمت تھیں دیدار الٰہی بخش مؤلف تائیں
یاربّ لکھنے پڑھنے والے رہن ن فضلوں خالی
بخش ربّا میں عیبی بندہ آیا درے سوالی
فضل کریں تے بخشیں سانوں توں ہیں بخشنارا
مانو پیو تے اُستاذاں بھائیاں بخش امن چھُٹکارا
سانوں فضل تیرے دی یا رب آس دلاں وچ بھاری
دے کلمہ توحید نزع وچ سانوں جاندی واری

لا الہ الا اللہ محمد رسول اللہ
صلی اللہ علیہ والہ وسلم

تمام شُد
بتاریخ ٦ صفر ١٠٣١ ہجری مطابق ٤٢ مگھر سمت ٠٤٩١ موافق ٨ دسمبر ٣٨٨١ء بروز شنبہ