سمندری ڈاکوواں سعودی عرب دا آئیل ٹینکر اغواہ کر لیا
وچار ڈیسک
November 17th, 2008
سمندری قزاقاں (ڈاکوواں) نے سب توں وڈھے سمندری ڈاکے وچ سعودی عرب دا تیل ٹینکر اغواہ کر لیا ہے۔ ایس نال دو برطانوی جہازران وی ہین۔ افریقی سمندراں وچ پانی دے جہازاں نوں اغواہ کرنا بڑا عام ہو گیا ہے۔ ایہہ قزاق صومالی ہین تے اوہناں اک سمندری بندرگاہ تے قبضہ کیتا ہویا ہے جتھے درجناں اغواہ کیتے سمندری بیڑے کھڑے ہین۔
سعودی عرب دے اغواہ ہوون والے تیل ٹینکر دا ناں سئرس سٹار ہے تے ایس وچ اک سو سولہ ملین دا پٹرال لدیا ہویا ہے۔ ایہہ سعودی عرب دی روز دی تیل برآمد دا تریجا حصہ ہے۔
اغواہ کیتا ہویا آئیل ٹینکر صومالیہ دی عیل بندرگاہ ول لے جایا جا رہیا ہے جیہڑا بحری ڈاکوواں دا اڈہ ہے۔ سعودی عرب نے دعوی کیتا ہے جو اوس نے جہاز مڑوا لیا ہے پر امریکی تے دوجے وسیلے ایس گل تے ہنگورا نہیں بھر رہے۔
