چودھری اعتزاز احسن نے کہیا ہے جو ' میں پیپلز پارٹی آں تے کسے حال وچ اپنی پارٹی نہیں چھڈاں گا۔'' معزول چیف جسٹس نوں جی آیاں نوں آکھن والے پاکستانیاں نال گل کردیاں ہوئیاں اوہناں کہیا جسٹس افتخار محمد چودھری عدلیہ دی خود مختاری دی نشانی بن چکے ہین تے اوہناں دی بحالی نال ہی پاکستان وچ آزاد عدلیہ دا سفنا پورا ہوسکدا ہے۔ اوہناں کہیا آزاد تے خود مختار عدلیہ ملک وچ کرپشن دے مکا دے نال نال جمہوریت نوں مضبوط بنا سکدی ہے۔ وکیلاں دی تحریک دا ناں لیندیاں ہوئیاں اوہناں نے کہیا تحریک دامقصد پورا ہوون تیکر جتن جاری رکھے گی۔
