ایف آر بنوں دے علاقے وچ جاسوس طیارے دے میزائل دھاڑے وچ پنج بندے مارے گئے۔ وسیلیاں موجب منگل تے بدھ دی وچلی رات ساڈھے تن وجے امریکی جاسوس طیارے نے ایف آر بنوں دے علاقے جانی خیل وچ دلبر ناں دے بندے دے گھر تے میزائل ماریا جیہدے تت وچ پنج بندے مارے گئے۔ وسیلیاں موجب جاسوس طیارے دا دھاڑا غیر ملکی ات وادیاں دی موجودگی دی اطلاع تے کیتا گیا۔ مارے جاون والیاں دا تعلق ترکمانستان نال دسیا جاندا ہے جدوں کہ دھاڑے وچ پنج بندے پھٹڑ وی ہوئے ہین۔
