بیت اللہ محسود نے حکومت نوں گجیاں ہتھیار سٹن دی پیشکش کیتی ہے جنہوں رد کر دتا گیا ہے۔ ذمے وار وسیلیاں موجب اک پرائیویٹ ٹی وی نے دسیا پئی بیت اللہ محسود نے پہلی واری اپنی کمزوری دا وکھالا کردیاں ہوئیاں حکومت نوں کہیا ہے جے اوہ ایس گل دی ضمانت دیوے پئی اوہدے تے بینظیر بھٹو دے قتل تے ہور ات واد دیاں واپریاں دے مقدمے نہیں چلائے جاون گے تے اوہ ہتھیار سٹن لئی تیار نیں۔پر اوہ فوج سنے کسے نوں گرفتاری نہیں دیوے گا۔ پر پاکستانی فوج دے ترجمان میجر جنرل اطہر عباس نال رابطہ کیتا گیا تے اوہناں نے ایہدے توں جانکاری نہ ہوون دا وکھالا کیتا۔
