پٹرول دیاں نویاں قیمتاں نال حکومت دا اک لٹر تے منافع گھٹو گھٹ ترتالی فیصد ہو جاوے گا۔ وفاقی مشیر برائے پٹرولیم ڈاکٹر عاصم حسین موجب اک لٹر پٹرول دا مُل 10.55 فیصد جدوں کہ ڈیزل دا 12.5 فیصد ودھاون دی صلاح دتی گئی ہے۔
جے حکومت ایس صلاح موجب پٹرولیم شیواں دیاں قیمتاں ودھاوندی ہے تے پٹرول دی اک لٹر دی قیمت باٹھ روپئے تیراں پیسے جدوں کہ ڈیزل چھ روپئے نوے پیسے وادھے دے نال باٹھ روپئے پینٹھ پیسے فی لٹر ہو جاوے گا۔ پٹرول دی نویں قیمت دے لگن توں مگروں ایہدی ایس ریفائزی قیمت چھتی روپئے اناٹھ پیسے فی لٹر بن دی ہے۔
ایہدے تے دس روپئے فی لٹر فکسڈ کاربن ٹیکس، وچلے ملک ٹرانسپورٹیشن دے سلسلے وچ تن روپئے سینتی پیسے ڈیلرز کمیشن دو روپئے فی لٹر، آئل مارکیٹنگ کمپنیز دا کمیشن اک روپیہ سٹھ پیسے فی لٹر تے جنرل سیلز ٹیکس سولاں فیصد دے حساب نال اٹھ روپئے ستونجاہ پیسے فی لٹر چارج کیتا جاوے گا۔ نویاں قیمتاں لگن توں مگروں اک لٹر پیٹرول سارے خرچیاں دے نال ترتالی روپئے چھونجاہ پیسے جدوں کہ ایہدے تے حکومتی ٹیکسز اٹھاراں روپئے ستونجاہ پیسے فی لٹر ہوون گے جیہڑا کہ پٹرول دی قیمت تے ترتالی فیصد بن دی ہے۔
