راولپنڈی: ایچ ایم سی دی بس تے آپ مارو دھاڑا 6 مارے گئے
وچار ڈیسک
July 2nd, 2009
راولپنڈی دے علاقے چوہڑ چوک دے نیڑے ایچ ایم سی اسٹاف بس تے آپ مارو دھاڑے دے تت وچ 6 بندے مارے تے 22 پھٹڑ ہو گئے۔جیو ٹی وی دے نمائندے موجب واقعہ پشاور روڈ تے چوہڑ چوک تے پیش آیا۔ واپری توں مگروں مرن تے پھٹڑ ہوون والیاں نوں نیڑلے ہسپتال وچ گھل دتا گیا ہے۔
ہسپتال وسیلیاں موجب پھٹڑاں وچ کجھ بندیاں دی حالت مندی ہے تے مرن والیاں دی گنتری ودھن دا ڈر ہے۔ ریسکیو 1122 دیاں ٹیماں ایمبولینس تے اُچ پدھری پلس پربندھی وقوعے دی تھاں تے اپڑ گئی ہے۔ دھماکے نال کئی گڈیاں نوں وی نقصان ہویا۔ نیڑے ہسپتال وچ ایمرجنسی لا دتی گئی ہے۔
