عوامی مسلم لیگ دے آگو تے مشہور سیاستدان شیخ رشید قاتلانہ حملے وچ پھٹڑ ہو گئے اتے اوہناں دے نال چلن والے 4 سنگی مارے گئے۔
اطلاعواں موجب شیخ رشید راولپنڈی دے خیابان سر سید علاقے وچ محمد چوک دے نیڑے بنے دفتر توں انتخابی جلسے نال خطاب کرن لئی تُرے جا رہے سن تے ساہمنیوں آؤندے ہتھیار بند بندیاں نے کلاشنکوف نال اوہناں تے فائر کھول دتا۔
شیخ رشید دے پی اے دا آکھنا ہے پئی شیخ رشید دے پیر وچ گولیاں وجیاں ہین تے اوہ پھٹڑ ہو گئے ہین۔ اوہناں نوں تُرت بینظیر بھٹو ہسپتال لے جایا گیا جتھے اوہناں دا دوا دارو کیتا جا رہیا ہے۔ وزیر اعلی پنجاب نے کمشنر نوں واپری دی پن چھان دا حکم دتا ہے۔
شیخ رشید نے آکھیا ہے پئی مرن والے اوہناں دے گارڈ نہیں سگوں اوہناں دے نکے ہوندیاں دے بیلی سن۔ اوہناں وچوں دو تھاں تے مر گئے تے اک مگروں مریا۔ اوہناں آکھیا پئی ہار دے ڈر توں مینوں قتل کرن دا فیصلہ کیتا گیا ہے۔ اوہناں دا آکھنا سی پئی چوناں اوہ جتے ہوئے ہین فیر وی مقابلہ ڈٹ کے کرن گے۔
