ہنگو وچ بمب دھماکہ: 8 زنانیاں اتے بالاں سنے 14 جی مارے گئے، 25 پھٹڑ
وچار ڈیسک
March 6th, 2010
پشاور توں کرم ایجنسی جان والے فوج دے قافلے وچ رلتی اک بس تے آپ مارو دھاڑا وجا جیہدے وچ 14 جی مارے گئے۔
پولیس وسیلیاں موجب فوج دے ایس قافلے تے ٹل شہر وچ ایک پیٹرول پمپ دے ساہمنے دھاڑا ماریا گیا۔ دھماکے وچ پاندھیاں دی گڈی توں وکھ اک سکول بس وی لپیٹ وچ آ گئی۔
پولیس نے دسیا ہے پئی آپ مارو دھاڑے وچ 4 زنانیاں سنے کرم ایجنسی دے 9 وسنیک جدوں کہ ٹل شہر دے 4 نیانے اتے بس ڈرائیور سنے ہن تیکر 14 جی مر گئے ہین تے 25 توں ودھ پھٹڑاں نوں ٹل دے وکھو وکھ ہسپتالاں وچ گھل دتا گیا ہے۔
