Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> 21 فروری 2015ء انٹرنیشنل ماں بولی دیہاڑ

21 فروری 2015ء انٹرنیشنل ماں بولی دیہاڑ

وچار ڈیسک
February 19th, 2015
5 / 5 (4 Votes)


لاہور (پ ر) ماں بولی دیہاڑ مناؤن دا فیصلہ پاکستان پنجابی ادبی بورڈ دے اک اجلاس وچ کیتا گیا۔ جیہدے وچ شاعراں، ادیباں، اُستاداں، وکیلاں، صحافیاں، سیاسی کارکناں تے ٹریڈ یونین رہنماواں نے رلت کیتی، ایہدے وچ پچھلے سال دے کامیاب جلوس دی روشنی وچ فیصلہ کیتا گیا کہ ایس واری پنجاب دے ڈویژنل ہیڈ کوارٹر دا دورہ کیتا جائے گا تے ادبی بورڈ وچ معاشرے دے وکھو وکھ گروہاں دے نمائندے اجلاس منعقد کیتا جاون گے۔ تاں جے پچھلے سال دے جلوس نالوں 5 گُنا وڈا جلسہ تے جلوس کیتا جا سکے۔
چیتا رہوے کہ 2013ء دے جلوس وچ 4 سو دے لگ بھگ دوستاں نے رلت کیتی سی تے 2014ء وچ ایہہ گنتی 5 گنا ودھ کے 2000 سی۔ 2014ء وچ ساریاں تنظیماں نے ایہہ اعلان کیتا سی کہ 2015ء وچ اسیں 10000 توں ودھ لوک ایس دیہاڑ نوں مناؤن لئی لاہور دے ناصر باغ صبح 10 وجے اپڑناہوون گے تے 2 وجے تک جلسہ جاری رہوے گا۔ جیہدے وچ ادیب، اُستاد، فنکار، وکیل حضرات، صحافی، سیاسی تے ٹریڈ یونین آگو خطاب کرن گے۔
ایس توں بعد 2 وجے ناصر باغ توں جلوس نکلے گا جیہڑا پنجاب اسمبلی تک جائے گا۔
ایس پروگرام دی تیاری لئی پاکستان پنجابی ادبی بورڈ ولوں ساہیوال، فیصل آباد، پنڈی، لاہور، بہاولپور، ملتان، سرگودھا تے گوجرانوالہ ڈویژن دیاں مختلف تنظیماں دے نمائندیاں نال ملاقاتاں، رابطے تے دورے کیتے گئے۔
لاہور وچ ٹریڈ یونینز آگواں پنجاب ٹیچرز یونین، پنجابی پروفیسر اینڈ لیکچرار ایسوسی ایشن، اتحاد لیبر یونین کارپٹ انڈسٹریز، آل پاکستان ٹریڈ یونین فیڈریشن، نیشنل لیبر فیڈریشن، متحدہ لیبر فیڈریشن، ورکرز کنفیڈریشن، بھٹہ لیبر لبریشن فرنٹ، بھٹہ مزدور محاذ، نیشنل ٹریڈ یونین فیڈریشن، ریلوے ورکرز یونین اوپن لائن تے ورکشاپ ریلوے انقلاب یونین، لاہور پریس کلب، پنجاب یونین آف جرنلٹس لاہور ہائی کورٹ بار ایسوسی ایشن، ڈسٹرکٹ بار ایسوسی ایشن، ساریاں سیاسی جماعتاں، نیشنل سٹوڈنٹس فیڈریشن، انصاف سٹودنٹ فیڈریشن دے آگوواں نال وفداں دی صورت وچ ملاقاتاں ہوئیاں۔ جیہناں وچ سب نے پنجاب وچ پرائمری تعلیم ماں بولی وچ پڑھاؤن دی تحریک دی حمایت کیتی۔ سب نمائندیاں نے اپنے اپنے اجلاس منعقد کردیاں ہوئیاں ماں بولی دیہاڑ بے وڈی پدھر تے جوش جذبے نال مناون دا اعلان کیتا۔ ہُن تک ٹریڈ یونینز تے پنجاب پروفیسر اینڈ لیکچرار ایسوسی ایشن، طلبہ تنظیماں دے اجلاس ہو چکے نیں۔ جیہدے وچ 21 فروری نوں بھرپور طریقے اُتے مناون دا فیصلہ ہویا۔
ماں بولی لئی کم کرن والیاں ساریاں ادبی تنظیماں ودھ ودھ تے نویکلے ڈھنگ نال جلسہ تے جلوس وچ رلت لئی منصوبے بنا چکیاں نیں۔ ساہیوال توں پنجاب لوک لہرراوی دی مشہور جھمر پارٹی سنے رلت کرے گی۔ دوجے شہراں توں کوئی سو تو ودھ ویگناں، مزدے تے بساں لاہور آون گیاں۔ لاہور وچ ساریاں تنظیماں اپنے اپنے آگوواں دی اگوائی ہیٹھ جلوساں دی صورت وچ ناصر باغ اپڑن گیاں۔
پنجابی مورچہ لاہور وچ رکشہ اُتے 21 فروری ماں بولی دیہاڑ مناون لئی فلیکس لگان دی مہم شروع کر چکیا اے۔ تے لاہور دے انٹری پوائنٹ تے بینر وی لگائے گا۔
دیپ لاہور کنال تے مال روڈ تے بینر لگوا رہیاں نیں۔ ایس جلسے وچ مشہور میوزک بینڈ تے فنکار ماں بولی وچ گیت گاؤن گے تے ملتان دا سوجھلا تھیئٹر گروپ ماں بولی دے موضوع اُتے اپنا ڈرامہ کھیڈے گا۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels