Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> عشق سلامت : ہور دُھخا دے دھونی یارا

عشق سلامت : ہور دُھخا دے دھونی یارا

خالد جاوید جان
February 17th, 2015
5 / 5 (1 Votes)


عشق سلامت
 
ہور دُھخا دے دھونی یارا
لا کے من وچ عشق دا لنبو
ساڑ دے نفرت دے چوبارے
ساڑ دے انکھاں والا تنبو
آوے ایہو جیہی قیامت
رہ جائے باقی عشق سلامت

ڈِگ پین اُچے شملے سارے
ڈھہہ پین محلاں دے مینارے
رہ جاون سبھ پریم پجاری
مر جاون سبھ نفرت مارے
آوے ایہو جیہی قیامت
رہ جائے باقی عشق سلامت
مُک جان حدّاں تے سرحداں
ٹُٹ جان کندھاں اتے بنیرے
ہر کوئی پنچھی بن جائے ایتھے
جتھے چاہوے کرے بسیرے
آوے ایہو جیہی قیامت
رہ جائے باقی عشق سلامت

نہ تے ہووے دیس کسے دا
نہ پردیسی ہووے کوئی
نہ وطناں لئی جنگاں ہوون
نہ سجناں لئی رووے کوئی
آوے ایہو جیہی قیامت
رہ جائے باقی عشق سلامت

اک واری دا جیون بندیا
اوہ وی مِلدا چار دیہاڑے
اوہنوں ہور کیہ چھوٹا کرنا
پا کے نت نت روز پواڑے
آوے ایہو جیہی قیامت
رہ جائے باقی عشق سلامت
ریجھاں نال ہنڈائیے اِس نوں
پا لئے جیویں دل دیاں سدھراں
سوہنے سُفنے وانگوں تکئے
کرئیے اِس جیون دیاں قدراں
آوے ایہو جیہی قیامت
رہ جائے باقی عشق سلامت

جھگڑے ذاتاں، دھرماں والے
چھویاں، خنجر اتے گنڈاسے
دب دئیے اک قبر بنا کے
مڑ نہ آون ساڈے پاسے
آوے ایہو جیہی قیامت
رہ جائے باقی عشق سلامت


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels