Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> پاکستان بہت زیادہ مذہبی پابندیاں والا اِک دیس

پاکستان بہت زیادہ مذہبی پابندیاں والا اِک دیس

وچار ڈیسک
February 28th, 2015

واشنگٹن : عالمی ادارے پیو ریسرچ سینٹر نے اپنی رپورٹ وچ کہیا اے کہ پاکستان اوہناں ملکاں وچ شامل اے جتھے مجموعی طور اُتے ہر سطح اُتے بہت زیادہ مذہبی پابندیاں موجود نیں۔ مجموعی طور اُتے سبھ توں ودھ مذہبی پابندیاں میانمار، مصر، انڈونیشیا، پاکستان تے روس وچ پائیاں گئیاں۔ جتھے حکومت تے معاشرے دوہاں ای نے ’’مذہبی عقیدیاں تے تعلیمات دی بنیاد اُتے بے شمار حد بندیاں نافذ کیتیاں ہوئیاں نیں۔ پیو ریسرچ سینٹر دا کہنا اے کہ 2013 وچ چین وچ سبھ توں ودھ حکومتی پابندی عائد سن، تے ہندوستان وچ مذہب توں متعلق جارحانہ معاشرتی رویے موجود سن۔‘‘ ہور ایہہ کہ ایس مطالعے وچ شامل 198 ملکاں وچوں 102 وچ عیسائیاں نوں یاں تے حکومت یاں فیر سماجی گروپاں ولوں ہراساں کیتا گیا، جد کہ مسلماناں نوں 99ملکاں وچ ایس طرحاں ہراساں کیتا گیا سی۔
پیو ریسرچ سینٹر دی رپورٹ دا کہنا اے کہ دنیا بھر وچ ’’مذہب توں متعلق جارحانہ سماجی رویاں دی ملکاں دی سطح اُتے پیمائش کیتی گئی، جیہدے وچ 2013 ء وچ کمی ویکھن وچ آئی سی۔
جد کہ ایس ورھے توں پہلاں پچھلے چھے ورھیاں تک ایہناں دی شرح بہت اُچی رہی۔ ایس سال ساریاں قوماں اندر ایس طرحاں دیاں جارحانہ کارروائیاں جیویں کہ مذہبی املاک دی توڑ بھن تے مقدس آیات دی بے حرمتی توں لے کے پُر تشدد حملیاں وچ موتاں تے زخمی ہون دے واقعات دی شرح 27 فیصد سی، جد کہ ایہدے مقابلے وچ ایہہ شرح 27 فیصد سی، جد کہ ایہدے مقابلے وچ ایہہ شڑح 2012ء وچ 33 فیصد رہی سی۔ چھیاسی صفحیاں اُتے کھلری رپورٹی وچ کہیا گیا اے کہ ’’یہودیاں نوں حکومت توں کدھرے ودھ بنداں یاں گروپاں ولوں ہراساں کیتا گیا۔ ‘‘
رپورٹ دا ہور کہنا اے کہ ’’مثال دے طور اُتے یورپ وچ 45 وچوں 34 ملاں وچ یہودیاں نوں بندیاں یاں سماجی گروپاں ولوں ہراساں کیتا گیا ۔‘‘


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels