Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> مشرقی پنجاب وچ پنجابی زبان لاگو کرن بارے اہم فیصلہ

مشرقی پنجاب وچ پنجابی زبان لاگو کرن بارے اہم فیصلہ

وچار ڈیسک
February 28th, 2015

ایس سمے جدوں کہ پاکستان پنجاب اندر پنجابی زبان نوں ختم کرن دے بہانے جتن کیتے جا رہے نیں مشرقی پنجاب وچ سرکاری زبان پنجابی نوں پوری طرح لاگو کرن بارے اہم فیصلہ سنا وندیاں سوچنا کمیشن پنجاب نے پنجابی زبان ایکٹ دی مد 8 لاگو کرن دا حکم جاری کیتا اے۔ حکم مطابق کمیشن نے کہیا اے کہ پنجابیاں دی سہولت لئی سمچا سرکاری ریکارڈ صوبے دی سرکاری زبان پنجابی وچ وی دستیاب ہونا ضروری اے تے اجیہیا نہ کرن والے نوں سزا وی ہو سکدی اے۔ ایہہ فیصلہ سرکاری سوچنا کمشنر سری سرندر اوستھی نے لدھیانا میونسپل کارپوریشن خلاف دائر اک معاملے دی سنوائی کردیاں سنایا۔ ایس معاملے نال ایہہ وی طے ہو گیاکہ پنجاب وچ سرکاری پدھر تے پنجابی زبان ایکٹ دیاں اجے وی خلاف ورزیاں ہو رہیاں نیں۔ کمیشن نے اپنے فیصلے وچ طے کیتا کہ پنجابی بھاشا ایکٹ 2008ء دی مد 8 ویں اک تے دو جو کہ صوبے وچ سرکاری پدھری تے پنجابی بھاشا دی ورتوں یقینی بناون نال متعلق اے ، وچ ایس ایکٹ دی پالنا نہ کرن والینوں سزا دی وی تجویز پیش کیتی۔
ایس فیصلے دا اثر آوندے دنیں پنجاب وچ ویکھن نوں ملن دی پوری آس ہے۔ معاملے مطابق لدھیانے دیر ہن والے روہت سبھروال ناں دے بندے نے لدھیانے میونسپل کارپوریشن توں سوچنا ادھیکار یعنی آر ٹی آئی قانون تحتی اہم جانکاری منگیاں سن، سوچناواں نہ ملن تے بندے نے معاملے دی شکایت سوچنا کمیشن کول کیتی۔ کمیشن وچ ایہہ گل نشر ہوئی کہ لدھیانہ نگر نگم دی ویب سائیٹ دا بہتا حصہ پچھلے 5 سالاں توں اپ ڈیٹ ای نہیں کیتا گیا جیہدے بعد کمیشن نے شہری دی معلومات دے حق نوں ساہمنے رکھدے ہویاں فیصلہ دتا کہ پنجاب اندر پنجابی زبان نوں پوری طرحاں لاگو کیتا جاوے تے جتھے کدھرے معلومات پنجابی وچ دستیاب نہیں، اوہ فوری طور اُتے دتیاں جاون۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels