Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> صوبائی کوٹہ سسٹم۔معاملہ مشترکہ مفادات کونسل تے پارلیمنٹ وچ لے جان دا فیصلہ

صوبائی کوٹہ سسٹم۔معاملہ مشترکہ مفادات کونسل تے پارلیمنٹ وچ لے جان دا فیصلہ

وچار ڈیسک
October 11th, 2017

وزیراعظم شاہد خاقان عباسی دی زیر صدارت وفاقی کابینہ دا اجلاس ہویا جس وچ وزارت پورٹ اینڈ شپنگ دا ناں میری ٹائم افیرز رکھن، سی ڈی اے وچ ممبر ایڈمن دی تعیناتیاں، سری لنکا ،نیپال، فرانس، پرتگال، تیونس تے مراکش دے نال ویزے دی چھوٹ، دوہرے ٹیکساں دے خاتمے لئی مختلف ملکاں دے نال سمجھوتیاں اتے ویلفیئر آف سینئر سٹیزن بل 2017 دی منظوریاں دتیاں گیاں۔ بل دے تحت سینئر سٹیزنز نوں بنیادی ضروریات و سہولیات دی ترجیحی فراہمی یقینی بنائی جائے گی۔ وفاقی کابینہ دے اجلاس وچ صوبائی کوٹہ سسٹم دے خاتمے یا میرٹ دے متبادل نظام تے پارلیمنٹ وچ وی بحث کران دا فیصلہ کیتا گیا ہے۔ وزیراعظم نے آکھیا کہ کوٹہ سسٹم نوں 40 سال ہوگئے، ویکھنا ہوئے گا کہ حالات کیوں بہتر نہ ہوئے۔ وزیراعظم نے کوٹہ سسٹم دے متبادل نظام تے جامع حکمت عملی بنا کے پیش کرن دی ہدایت کیتی۔ کابینہ ارکان نے آکھیا کہ ترقی توں محروم علاقیاں نوں کوٹہ سسٹم دا جواز رکھنا چنگا کم نہیں۔ کاغذی اقداماں نال تبدیلی نہیں آسکدی۔ بعض وزراء نے صوبائی کوٹہ سسٹم وچ کمی یا ختم کرن دے حق وچ دلائل تے تجاویز پیش کیتیاں۔ بعض وزراء دا کہنا سی کہ صوبائی کوٹہ سسٹم توں دور دواڑ اتے گھٹ ترقی یافتہ علاقیاں دے عوام نوں فیدہ ہوندا ہے۔ بعض وزراء دی رائے سی کہ کوٹہ سسٹم توں میرٹ والیاں دی حق تلفی دے خدشات وی رہندے نیں۔ وزیراعظم نے صوبائی کوٹہ سسٹم میرٹ دے توازن توں متعلق پالیسی موثر بنان دی ہدایت کیتی۔ وزیراعظم نے آکھیا کہ گھٹ ترقی یافتہ علاقیاں وچ تعلیم صحت دی بنیادی سہولتاں لئی کم کیتا جانا چاہیدا ہے۔ وفاقی وزیر ریاض پیرزادہ کابینہ اجلاس وچ شریک نہیں ہوئے جداں کہ کئی وزراء تاخیر نال اجلاس وچ آئے۔ ذرائع دے مطابق ریاض پیرزادہ آئی بی دی مبینہ لسٹ معاملے تے تحفظاں پاروں اجلاس وچ نہیں آئے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels