Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> افغان یاافغانستانی یا۔۔۔؟ کابل وچ غیر پختوناں رولا پا دتا۔پاکستانی پختون چپ؟

افغان یاافغانستانی یا۔۔۔؟ کابل وچ غیر پختوناں رولا پا دتا۔پاکستانی پختون چپ؟

وچار ڈیسک
February 9th, 2018

افغانستان وچ وسن والے غیر پختوناں آکھیا ہے پئی شناختی کارڈاں وچ افغانستان دے رہن والیاں نوں ’’افغان‘‘ لکھنا غلط اتے گمراہیاں دا سودا ہے۔افغانستان دی پارلیمنٹ وچ وادھو بحثاں بعدوں وی ایہہ مسلہ حل نہیں ہویا کیونجے افغانستان دے پختون شناختاں لئی لفظ ’’افغان‘‘ ورتنا چاہندے نیں جداں کہ غیر پٹھان ایس نوں پختون بالادستیاں دا بوتھا سمجھدے نیں۔ویچارے پاکستانی پختون قوم پرست بہوں اوکڑاں وچ نیں کیونجے اوہ تے اپنے آپ نوں افغان آکھ کے پاکستانی تے افغانستانی پختوناں وچ سانجھ پیدا کردے نیں پر ہن راز کھلیا پئی لفظ ’’افغان‘‘ پاروں تے افغانستان وچ وادھو جھیڑے نیں۔قوم پرستیاں دے اجہے المیے ہر تھاں وادھو پئی جنوبی ایشیائی ریاستاں دا، برما توں کابل تیک ایہہ وڈا مسلہ ہے کہ نوآبادیاتی ویلے توں بنائیاں انہاں قوم پرستیاں دا الار ’’رلن‘‘ دی تھاں ’’کڈہن‘‘ تے وادھو ہے اتے رنگا رنگیاں نوں نہ مننا ایس وچ سانجھا کوڑ پکھ۔تاجک لیڈردا بیان رائٹر چھاپیا ہے جس افغان لفظ نوں قومیت دے خانے وچ رکھن خلاف دلیلاں دتیاں نیں۔ دلچسپ تضاداں دی گل تے ایہہ ہے پئی پاکستان تے افغانستان دے جیہڑے افغان قوم پرست اپنی وادھو گنتری پاروں افغانستان وچ اپنی بالادستیاں چاہندے نیں اوہ پاکستان وچ پنجابیاں دی بالادستیاں خلاف رولے پاندے نیں حلانکہ پاکستان وچ پنجابی ستر فیصدی توں وی ودھ نیں جداں کہ پختون افغانستان وچ ادھ توں وی گھٹ نیں۔ مسلہ اوس ویلے حل ہوندا ہے جداں سب رنگاں رنگیاں نوں من لین۔ ہن تساں تھلے دتے لنک نوں پڑھو جتھے تہانوں ایہہ خبر وی ملے گی اتے ہور گلاں وی۔وائس آف امریکہ وی ایس خبر نوں رپورٹ کیتا ہے پر انہاں دی اردو سروس وچ قومیتی مسلہ نوں نسلی مسلہ لکھ کے ایس دا رنگ وگاڑن دی کوششاں کیتیاں نیں۔
https://punjabpunch.blogspot.com/2018/02/afghanistan-acceptance-of-diversity-is.html


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels