Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> کراچی بنے گا بلوچستان؟ پاڑ پاروں فیصلہ آسان؟ایجنڈا سب دے سامنے

کراچی بنے گا بلوچستان؟ پاڑ پاروں فیصلہ آسان؟ایجنڈا سب دے سامنے

وچار ڈیسک
February 9th, 2018

فاروق ستار تے آکھ دتا سی پئی اوہ کراچی نوں بلوچستان نہیں بنن دین گے اتے زرداری ولوں رقماں ونڈن ول اشارے کردے ہوئے اوہ ایہہ نہ دس سکے پئی زرداری دے مگر کون ہے؟ بلوچستان توں اڈ، کراچی وچ پی پی پی نوں جیہڑی ٹیک مل رہی سی، کیہہ ایس الزام بعدوں ایس وچ گھاٹے آون گے؟ سیاسی جماعتاں دا بوتھا تے انہاں دا پبلک بوتھا ہی ہوندا ہے۔ پی پی پی ایس نوں کنج بچائے گی ایس بارے سوال وادھو۔ایم کیو ایم والے میڈیا دے کمریاں سامنے اک دوجے نال پہلی وار نہیں لڑے کہ سیکٹر انچارجاں اگے غوری وغیرہ دی درگت سب نوں یاد ہیپر اوس ویلے سٹیبلشمنٹ دی ٹیک پاروں میڈیا خبراں لاون توں یرکدا سی۔سٹیبلشمنٹ تے جو کل کر رہی سی، اوہی کوئٹہ ہویا تے اوہی کراچی پر مسلہ تے انہاں دا ہے جیہڑے اج سٹیبلشمنٹ نوں بچاندے ہوئے ایس سب بارے اٹھ و اٹھ مار رہے نیں۔ایم کیو ایمی لیڈراں دے دونوں دھڑے الیکشن کمیشن اپڑ گئے نیں تے سینیٹ دی چوناں توں پہلاں منڈی لگن ول گل ودھ رہی ہے۔جیہڑے ایس ایجنڈے نوں پورا کرنا چاہندے نیں اوہ آکھ رہے نیں پئی ستار ہوری کمزور لیڈر نیں۔ جنج انہاں بلوچستان پاروں ہارس ٹریڈنگ تے دبا بارے گل کرن دی تھاں سارا زور مسلم لیگ(ن) دی کمزوریاں وکھاون ول موڑیا سی ہن ایہو کجھ کراچی۔پر ایس کھیڈ پاروں جت نہ تے پی پی پی دی ہوئے گی نہ پارلیمنٹ دی عزتاں ودھن گیاں سگوں سٹیبلشمنٹ اپنا دبدبہ دسن وچ کامیابیاں دے جھنڈے گڈے گی۔پر ایہہ فتح چرچل دی جت ورگی ہو سی اتے پارلیمنٹ ایہہ رستے بند کرن تے کل رل جا سی۔ ہن ترے مارچ دور نہیں تاں مارے ہورے ہشیار ایجنڈیاں پاروں سب پتے سامنے آ رہے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels