Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> ایجنڈا شروع:اسرائیل دا شام تے حملہ، جنگ پھیل سی۔پاکستان کیہہ کرے گا؟

ایجنڈا شروع:اسرائیل دا شام تے حملہ، جنگ پھیل سی۔پاکستان کیہہ کرے گا؟

وچار ڈیسک
February 11th, 2018

بہانہ شام ہے پر ٹارگٹ ایران کہ ایہہ جنگ ودھے گی اتے مغربی ایشیا،مڈل ایسٹ تے ترکی تیک پھیل سکدی ہے۔امریکہ بڑی ہشیاریاں نال ترکی، پاکستان تے دوجے ملکاں نوں نیوٹرل رہن تے راضی کرن لئی سفارتی دبا پا رہیا ہے اتے ایس نال سعودی عرب تے بھارت وی رلتی نیں۔مودی دا فلسطینی دورہ باقیاں نوں چپ رکھن دی پالیسی دا بوتھا۔کیہہ اردن والا لیڈر ایہو سنیہا لے کے پاکستان آیا سی؟اسرائلی حملے خلاف پاکستانی میڈیا دی چپ کجھ اجہے شک ودھاندی ہے
جنج جنوری1971وچ بھارت کنگا ہائی جیکنگ نوں ورتدے ہوئے ہشیاریاں نال کھیڈ اگے ٹوریا سی اینج ہی اسرائیل وی دسیا ہے پئی اوس دا ایف سولہ ڈگا ہے اتے اوس نوں ایرانی مارکہ ڈرون پاروں ڈگیا گیا ہے جہیڑا شامی باڈر توں آیا۔سعودی عرب ولوں لبرل بوتھا دنیا نوں وکھاون دی ہشیار خبراں ایس گل دا لشکارہ پئی دنیا ایہہ سمجھے کہ سعودی عرب بدل رہیا ہے۔اسرائیلی وزیراعظم ولوں روسی صدر پوتن نوں فون کرن دا مطلب ایہو ہے پئی اسرائیل روس نوں نیوٹرل رکھن لئی کوششاں کر رہیا ہے۔ عالمی پریس تے اسرائیل دے جوابی حملے دی خبراں وادھو پر ساڈا پریس چپ۔پاکستان وچ سینیٹ دی چوناں دی خبراں وادھو یا نیب، عدالتاں دیاں یا فیر سعودی سافٹ بوتھا وکھاون دی۔پرایہہ چپ زیادہ دیر نہیں رکھی جاسکدی۔وڈی عالمی پالیسی ایس ویلے ایہو ہے پئی پاکستان، ترکی ورگے ملکاں نوں نیوٹرل رکھن تے مجبور کیتا جائے۔ایس لئی وی لوڑی دا ہے پئی پاکستانی میڈیا وچ ہور دی ہور خبراں رہن۔پر ٹرمپی ایجنڈے پاروں شام تے ایران بعدوں پاکستان دی واری آ سکدی ہے اتے جے پاکستان اج چپ رہیا تے دوجے کل چپ رہن گے۔ایس ٹرمپی ایجنڈے وچ چین تے ایران دی مخالفتاں مڈھلا ٹیچا ہے اتے گل اوسے پاسے ودھ رہی ہے۔پاکستانی میڈیا وانگ اپوزیشن وی چپ پئی پی پی پی نوں سٹیبلشمنٹ دی ٹیک والے چھلی پھڑائی ہے تے ایم کیو ایم وچ پھٹ۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels