Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> جمہوریت حمائیتی،عدلیہ ناقدعاصمہ جہانگیر پوری ہو گئی:سب ماتمی

جمہوریت حمائیتی،عدلیہ ناقدعاصمہ جہانگیر پوری ہو گئی:سب ماتمی

وچار ڈیسک
February 11th, 2018

انسانی حقاں، جمہوریتاں،سیاسی تے انسانی آزادیاں دے حوالے نال عالمی پدر تے کھلدی پاکستانی کھڑکی بند۔تیزی نال بدلدی عالمی تے پاکستانی صورتحال اندر عاصمہ دی اچانک موت وڈا دھچکہ۔پر کجھ لوک مر کے وی امر رہندے نیں تے کجھ اپنی زندگی وچ ہی مر جاندے نیں۔قنونی، عدالتی تے سیاسی تریخ وچ عاصمہ ہمش امر کہ مرن تیک اوہ عدالت تے ججاں نوں مداخلتاں نہ کرن دا آکھدی رہی۔
انہاں دا جم لہور وچ27جنوری1952وچ کوچہ چابک سواراں دے ملک غلام جیلانی ہوراں دے گھر ہویا جیہڑے گھوڑیاں دی تجارت کرن والے ککے ذئی گھرانے توں سن اتے سیاسی کھیڈ دے جانو وی۔ڈکٹیٹر ایوب دی مچھ دے وال نواب کالا باغ نال ملک ہوراں دے جھیڑیاں پاروں خاندان تے بھیڑا ویلہ آیا جس وچ عاصمہ جوان ہوئی۔کانوینٹ جیسس اینڈ میری سکول وچ پڑھی، کنیڈ کالج توں بی اے اتے پنجاب یونیورسٹی لا کالج توں پڑھن بعدوں1979وچ عاصمہ وکیل بنی تے ملک ہک وار فیر ڈکٹیٹر دے تھلے لگ چکیا سی اتے ایہہ آمر جنرل ضیا الحق سی۔ضیا مخالف تے ایم آر ڈی دی حمائیتی عاصمہ زنانیاں دے حقاں دی جدوجہد وچ وڈا کردار ادا کیتا۔1986وچ انہاں انسانی حقاں دا کمیشن بنایا تے1990وچ انہاں اپنی بہن حنا جیلانی نال رل کے ضیا شاہی دے زنانیاں خلاف بنائے قنوناں خلاف کتاب لکھی جس دے کجھ ٹوٹیاں دا لنک تھلے دے رہے ہاں۔
ہورے کدی عدالتاں تے طاقت دے کھڑپینچاں نوں عاصمہ دی کیتی گلاں پلے پئے جان تے جے اج سمجھ نہ آئیاں تے کل سب جان ہی جان گے۔
فوٹواں تے کتاب بارے ایہہ لنک ویکھو
https://punjabpunch.blogspot.com/2018/02/asma-jahangir-her-book-and-few-photos.html


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels