Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> سائیوال :ماں بولی دیہاڑ21فروری :لہور، اسلام آباد نہیں سگوں ہر ضلع وچ اکٹھ کرو

سائیوال :ماں بولی دیہاڑ21فروری :لہور، اسلام آباد نہیں سگوں ہر ضلع وچ اکٹھ کرو

وچار ڈیسک
February 12th, 2018

جداں تیک پاکستان دے ہر ضلع وچ پاکستانی ماں بولیاں لئی اکٹھ نہیں ہون گے تد تیک ماں بولیاں نوں انہاں دا مقام نہیں ملے گا۔زباناں، لہجیاں تے لپیاں دے جھیڑیاں نوں لانبھے کر کے پاکستان دی ساری مادری زباناں وچ رلت پیدا کرنا اوہی ٹیچا جدی اج بہوں لوڑ۔ نرا لہور، اسلام آباد، کراچی، کوئٹہ، پشور وچ اکٹھ کرن نال گل نہیں بنے گی سگوں ایہہ ڈیمانڈ ہر ضلعے توں آنی لوڑی دی ہے۔سائیوال تے لیل پور(فیصل آباد) وچ لہور تے اسلام آباد وانگ ہر21فروری نوں اکٹھ ہوندے نیں پر ہن ایس نوں اگے ودھانا لوڑی دا ہے۔پنجاب لوک لہر ولوں ایس سال دے پروگرام دی پریس ریلیز وچ دسیا گیا ہے پئی ایس اکٹھ وچ میلہ وی ہوئے گا، نمائشاں وی، واک وی۔ سویرے دس وجے پنجابی زبان پاروں سیمینار ہو سی سائیوال آرٹ کونسل وچ تے کونسل دی باہرلء گراؤنڈ وچ میلہ چلے گا۔بارہ وجے توں بعدوں سائیوال میونسپل کارپوریشن توں ریلی چل سی جس وچ صوبائی وزیر ملک ندیم کامران، جیرمین یونین کونسلز صدیق بلوچ تے دوجے چونویں ممبراں تے سیاسی سماجی ورکراں دے نال نال قسور بٹ وی رلت کرن گے۔صدر چوک، جوگی چوک، ریلوے روڈ، پریس کلب،ظفر علی سٹیڈیم تے سکائی ویز چوک توں ہوندے ہوئے ایہہ ریلی سایہوال آرٹ کونسل اپڑے گی۔ایس اکٹھ دا پروگرام بناون والیاں نوں سائیوال دے ہر گروپ، جماعت تے ورکراں، لیڈراں نوں سدھنا چاہیدا ہے تاں مارے ایس اک دن سب اک تھاں نظر آون۔ریلی والیاں نوں پنجاب حکومت دے اوس ڈرافٹ دی کاپیاں وی میڈیا تے دوجے لوکاں وچ ونڈنیاں لوڑی دیاں نیں جیہڑا پنجاب سرکار نے چیف جسٹس جواد ایس خواجہ دے کیس وچ سپریم کورٹ جمع کروایا سی۔ ایہو نہیں سگوں سینیٹ دی اوس قرارداد دی کاپیاں وی ونڈنی لوڑی دیاں نیں جس وچ پنجابی، پشتو، بلوچی تے سندھی نوں چار قومی زباناں آکھیا گیا سی۔جے انہاں چار پردھان مادری زباناں نوں قومی زباناں من لتا جائے گا تاں اگلے رستے آپ کھل جا سن تے سب مادری زباناں نوں عزتاں ملن گیاں اتے گھٹ و گھٹ پرائمری تیک ماں بولیاں وچ تعلیم دی گل توڑ چڑھن دی تھاں ودھ جائے گی۔
ہند سندھ وچ زباناں تے سیاستاں بارے لکھیا اک لمیرا آرٹیکل پڑھو
https://punjabpunch.blogspot.com/2017/03/roots-of-our-bad-language-narrative.html
 


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels