Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> خبراں >> ویلنٹائن ڈ ے: تشہیراں توں بچو: عدالتی حکم تے پمرا ۔بسنت سنے تہوار بند تے انتہا پسندیاں ودھن گیاں؟

ویلنٹائن ڈ ے: تشہیراں توں بچو: عدالتی حکم تے پمرا ۔بسنت سنے تہوار بند تے انتہا پسندیاں ودھن گیاں؟

وچار ڈیسک
February 14th, 2018

وائس آف امریکہ والیاں مدیحہ انور دی لکھت چھاپی کہ جس وچ عدالت تے پمرا دے حکمنامیاں دی گل چھوئی گئی۔جے عدالتاں اجہے مسلیاں تے پارلیمنٹ نوں پالیسیاں بناون دا آکھے تاں گل وگڑن توں بچ سکدی ہے۔ جے تہواراں نوں بند کیتا جاندا رہے گا تے انتہا پسندیاں ودھن گیاں۔پاکستان توں باہر اجہی خبراں دا کیہہ اثر پیندا ہے ایہہ ہک وکھرا سوال۔تساں ہن خبر پڑھو
عدالت ولوں متواتر دوجے سال وی ویلنٹائن ڈے نوں غیر اسلامی چھٹی قرار دتے جان دے بعد پاکستان نے اک وار فیر دن دی تقریباں تے میڈیائی کوریج نوں ڈک دتا ہے۔ فیصلے وچ ویلنٹائن دے دن توں متعلق گلاں دے اشتہاراں تے شیواں دی فروختاں تے بندشاں لائیاں گیاں نیں۔ عدالت دے فیصلے تے عمل درآمد دے حوالے توں پچھلے ہفتے پاکستان الیکٹرونک میڈیا ریگولیٹری اتھارٹی (پمرا) ٹیلی ویژن تے ریڈیو دے لائنس والے اداریاں نوں ہدایتاں دتیاں سن جیہناں دی بندش دے حوالے توں یا دہانیاں کرائیاں جے۔ پمرا دے ہدایت نامے وچ آکھیا گیا ہے کہ ہدایت دتی جاندی ہے کہ ایس گل نوں یقینی بنایا جائے کہ ویلنٹائن ڈے دے جشن بارے کوئی گل نہیں آنی چاہیدی ناکہ الیکٹرونک تے پرنٹ میڈیا وچ ایس دی تشہیراں ہونی چاہیدیاں نیں تے کوئی پروگرام نہیں ہوئے گا۔ ایس وچ آکھیا ہے کہ سرکاری پدر تے یا کسی عام مقام تے کوئی اکٹھ نہیں ہوئے گا۔ پمرا نوں ہدایت دتی جاندی ہے کہ اوہ ایس گل نوں یقینی بنان کہ سارے ٹیلی ویژن چینل فور طور تے ویلنٹائن ڈے دی تشہیراں بند کردین۔ تیرہ فروری 2017 نوں اسلام آباد دی عدالت نے ویلنٹائن ڈے توں متعلق اک مقدمے دافیصلہ دتا سی کہ ایہہ دن معاشرے وچ غیر اخلاقی حرکتاں، عریانیت تے بدتہذیبیاں نوں وادھا دیندا ہے۔ عدالت نے اسلام آباد دے کھلے مقامات اتے سرکاری دفتراں وچ ویلنٹائن ڈے دے جشن توں متعلق تے ایس دے وادھے لئیہر گل نوں ڈک دتا ہے۔ میڈیا دے اداریاں نوں پمرا دی یاد دہانی دے بعد معاشرے دے مختلف حصیاں ولوں ایس رومانوی جشن منائے جان دے حوالیاں نال نویں بحث چھڑ گئی ہے۔ کجھ دا کہنا ہے کہ ایہہ دن محبت دے اظہار دا اک موقع فراہم کردا ہے جداں کہ دوجے ایہہ سوال کردے نیں آیا ایہہ اک اسلامی معاشرے وچ تے مختلف ثقافتی اقدار دے حامل حضرات لئی ایس دا کوئی جواز موجود ہے۔ سلیمہ ہاشمی لاہور دی اک آرٹسٹ تے نامور تعلیم دان نیں۔ انہاں نے نظام دے بارے وچ مایوسی دا اظہار کیتا جس وچ بیکار گلاں تے توجہ دتی جاندی ہے۔ پر ایسے مسلے جیہڑے معاشرے تے ملک لئی اہمیتاں والے نیں انہاں بارے کوئی فیصلہ نہیں آندا۔ بقول انہاں دے محض اک رومانوی دن منان تے فیصلے دین دے کیہ ساڈی عدالتاں دے کول دھیان دین لئی کوئی بہتر گلاں نہیں نیں؟ انہاں نے آکھیا کہ مینوں ایہہ گل سمجھ نہیں آندی کہ ویلنٹائن ڈے منان یا ایس دی مذمت کرن نال ساڈے مذہب، روایتاں، سماج یا ثقافتی قدراں نوں کیہ فیدہ پہنچ سکدا ہے۔ انہاں نے مزید آکھیا کہ جے اسی ایس گل تے اتفاق نہیں کردے کہ کُڑیاں تے مُنڈے محبت دے حق دے اظہار وچ شریک ہون تے دراصل ایہہ بذات خود اک مسئلہ ہونا چاہیدا ہے۔ ضرورت ایس گل دی ہے کہ اپنی سوچ دے چکر نوں بدلن تے حقیقت نوں منن۔ کجھ سالاں دے دوران ویلنٹائن ڈے نوں بہوں شہرتاں ملیاں جتھے پاکستان دے نوجوان ایس علامتی دن اپنے پیاریاں نوں کارڈ، چاکلیٹ تے تحفے دیندے نیں۔ پر ایس زیادہ تر قدامت پسند معاشرے وچ محبت دے اظہار دی اجازتاں نہیں ہے اتے ایس کھلے انداز نوں اسلام تے پاکستانی ثقافت دے خلاف آکھیا جاندا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels