حکمران اتحاد نے صدر مشرف دے خلاف مواخذے دا اعلان تے کر دتا ہے پر پارلیمان دے دوہواں ایواناں وچ اوہدے لئی اتحادی جماعتاں نوں کیہہ مطلوبہ پارلیمنٹ تے سینٹ دی حمیت حاصل ہو جاوے گی ایس ولوں کجھ کہیا نہیں جاسکدا کیوں جو صدر مشرف دے مخالف تے حمیتی جماعتاں ولوں ایس حوالے نال کئی دعوے کیتے جارہے ہین۔ قومی اسمبلی وچ سیاسی جماعتاں دے رکناں دی تفصیل کجھ انج ہے۔
پاکستان پیپلز پارٹی124
پاکستان مسلم لیگ ن91
پاکستان مسلم لیگ54
متحدہ قومی موومنٹ25
متحدہ مجلس عمل7
عوامی نیشنل پارٹی 13
آزاد رکن13
پاکستان مسلم لیگ فنکشنل5
نیشنل پیپلز پارٹی01
پیپلز پارٹی شیر پاؤ01
بلوچستان عوامی نیشنل پارٹی01
دوجے پاسے سو رکناں تے ایوان بالا سینٹ وچ حزب اختلاف دی وڈی جماعت مسلم لیگ ق دا دعویٰ ہے جو اوہنوں تے اوہدیاں اتحادی جماعتاںکول ایوان بالا وچ وڈی گنتری ہے پر چیتے رہوے جو گذریل وزیر نیلو فر بختیار سنے کئی سینیٹراں نے مسلم لیگ ق دی قیادت نوں تنقید دا نشانہ بناوندیاں ہوئیاں اک وکھرا گروپ وی بنایا ہویا ہے جیس بارے مبصراں دا کہنا ہے جو اوہ صدر دے مواخذے لئی ہوون والی گنتری وچ اہم کردار ادا کرسکدا ہے۔
آئین ہیٹھ مواخذے دا طریقہ کجھ انج ہے۔
۔صدر دے مواخذے لئی سینٹ تے قومی اسمبلی وچ وڈی گنتری چاہی دی ہوندی ہے۔ ۔مواخذے دا نوٹس ملن توں مگروں صدر دے کول جواب لئی تن دن دی مہلت ہوندی ہے۔ صدر دے خلاف چارج شیٹ پیش ہوون توں مگروں سینٹ تے قومی اسمبلی دا سانجھا اجلاس ست توں چوداں دناں وچ سدیا جاندا ہے۔ مواخذے دی قراداد دی منظوری لئی سانجھے ایوان وچ دو تہائی اکثریت ضروری ہے۔
