95 فیصد منشیات افغانستان وچ پیدا ہوندی ہے: اقوام متحدہ دی ورھے وار رپورٹ
وچار ڈیسک
June 25th, 2009
اقوام متحدہ نے منشیات بارے اپنی ورھے وار رپورٹ جاری کیتی ہے جیہدے موجب دنیا وچ افیون دی سب توں ودھ مقدار 14 میٹرک ٹن پاکستان نے پھڑی ہے، جدوں کہ منشیات دا 95 فیصد حصہ افغانستان وچ پیدا ہوندا ہے۔
اسلام آباد وچ ورھے 2009ء دی منشیات بارے رپورٹ وچ دسیا گیا ہے پئی پاکستان وچ ہیروئین بناؤن والی کوئی فیکٹری نہیں ہے جدوں کہ دو ہزار ہیکٹر رقبے تے پوست بیجی گئی۔ ساری دنیا وچ ورتی جان والی منشیات دا 30 فیصد پاکستان توں ایران، مشرق وسطیٰ اتے چین راہیں سمگل کیتا جاندا ہے۔
رپورٹ موجب افیون پھڑن وچ ایران دوجے نمبر تے اتے افغانستان تیجے نمبر تے رہیا۔ نشے مکاؤن والے محکمے دے سیکریٹری کے بی رند نے آکھیا ہے پئی پاکستان وچ نشے دی ورتوں نہ گھٹی ہے تے نہ ای ودھی ہے۔
