ہندوستانی دارالحکومت دلی وچ عدالت نے فیصلہ سنایا ہے پئی دو بالغ ہم جنساں وچ اپنی مرضی نال جنسی سانگا جرم نہیں ہے۔ عدالت دے ایس فیصلے نے اک سو پنتالی سالاں دے پرانے قنون نوں مکا دتا ہے جیہدے وچ ہم جنس پرستی اک غیر فطری کم آکھیا گیا سی۔
انسانی حقاں دی ہندوستانی ستھاں دا کہنا ہے پئی ہم جنس پرستی ولوں ہندوستانی قنون انسانی حقاں دے خلاف نیں۔ پہلے ہندوستان وچ ہم جنس پرستی دی سزا دس سال سی۔
اٹھائی جون نوں ہندوستان دے کئی شہراں وچ ہم جنس پرستاں نے ریلیاں کڈھیاں سی۔ ایس وچکار انج دیاں وی خبراں مل رہیاں سی پئی حکومت ہم جنس پرستی دے خلاف دفعہ 377 نوں مکاون تے گوہ کر رہی ہے۔ ایسے قنون نوں ہٹاون دی منگ کرن لئی ہم جنس پرستاں نے ممبئی ، بنگلور، کولکتہ، تے چینئی وچ ریلیاں کڈھیاں سی۔
