دنیا افغانستان وچ ہندوستان دے کردار توں سبق سکھے: برطانوی ہائی کمشنر

ہندوستان وچ برطانوی ہائی کمشنر رچرڈ سٹیگ نے آکھیا ہے پئی ساری دنیا نوں افغانستان وچ ہندوستان دے کردار توں سبق سکھنا چاہیدا ہے۔

اگلے ہفتے برطانیہ وچ افغانستان بارے اک اکٹھ ہو رہیا ہے اس اکٹھ دا ویروا کردیاں برطانوی ہائی کمشنر نے آکھیا پئی ہندوستان تباہ حال افغانستان وچ اساری دے بڑے کم کر رہیا ہے جیہناں توں ساری دنیا نوں سبق سکھنا چاہیدا ہے۔ برطانوی ہائی کمشنر دا آکھنا سی پئی ایہہ اکٹھ ہندوستان لئی اک ودھیا موقع ہووے گا کہ اوہ اپنے کم دنیا ساہمنے لیا سکے۔ اوہناں آکھیا پئی ہن تیکر افغانستان وچ ہندوستان ولوں کیتے جان والے کماں بارے دنیا بہتا نہیں جاندی۔