یونان نوں 2009 وچ بے ایمانیاں پاروں اک ارب ڈالر گھاٹا پیا
وچار ڈیسک
March 3rd, 2010
بے ایمانیاں دی راکھی دی ستھ ٹرانس پیرنسی انٹرنیشنل نے کہیا ہے پئی دو ہزار نو وچ یونان نوں وڈھی چیرے تے بے ایمانیاں پاروں اک ارب ڈالر گھاٹا جھلنا پیا۔ ستھ نے دسیا پئی یونان وچ اک عام شہری نوں ڈرائیونگ دے لائی سینس لئی تے کسے ہسپتال وچ داخلے سنے کئی سرکاری سوکھتاں لئی ہر سال اوسطاََ اٹھاراں سو توں بہتے ڈالر وڈھیاں وچ بھرنے پیندے نیں۔
ٹیکس دے کاغذاں وچ ہیر پھیر لئی وی لکھاں ڈالر عہدے داریاں نوں دتے جاندے نیں۔یونان دے عہدے داراں دا کہنا ہے پئی ملک دے اقتصادی پھردول دا اک وڈا کارن ٹیکساں دی چوری تے بے ایمانی ہے۔ وزیر اعظم جارج پیاندریو نے وعدہ کیتا ہے پئی اوہ بجٹ دے بہت وڈے خسارے نوں گھٹاون دے مقصد نال حکومت دیاں کوششاں ہیٹھ ٹیکس چوراں دے خلاف کوئی مہم چلاون گے۔
