Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> جمہوریت اتے انقلاب دے نویں ’’مامے‘‘:’بابو تے قادری‘

جمہوریت اتے انقلاب دے نویں ’’مامے‘‘:’بابو تے قادری‘

عامر ریاض
August 7th, 2014

بلے بئی بلے، اج کل تے انقلاب تے جمہوریت دے ’’پیاریاں‘‘ وچ اجہے اجہے سورمے رلتی ہو رہے نیں جنہاں نوں ویکھ کے نوسوچوہیاں دی مثال وی شرما جاندی ہے۔ ایوب، یحی،ضیاء تے مشرف دی خدمتاں کرن والیاں نوں اج انقلاب تے جمہوریت دی یاد پئی آندی ہے۔ میڈیا دے اونہاں اینکراں دے ڈہڈاں وچ بہوں مڑوڑ اٹْھ رہے نیں جہیڑے لمیری رقماں پھڑن تے نوکریاں اتے ٹھیکے لین وچ آپدا ثانی نہیں رکھدے۔
ملا تے ملٹری الائنس دا نواں ’’چہرہ‘‘آزمایا جارہیا ہے اتے ایس وار ’’ملا‘‘ وی نواں ہے اتے ایس دے نال ’’بابو‘‘ وی لادتاگیا ہے باقی تے سارے پرانے ہرکارے ہی نیں۔ جنہاں 5۔جولائی تے 12۔اکتوبر ویکھایا ہے اوہ چنگی طرحاں جاندے نیں پئی ایہہ کوئی نواں کھیڈ نہیں بس ’’پتے‘‘ نویں نے۔ اج تے حد ہی ہو گئی ہے جداں چوہدری شجاعت حسین نے ’’انقلابی‘‘ ہون دا ہی اعلان کر چھڈیا ہے۔ اینج جاپدا ہے پئی حضرت نوں ’’اسٹیبلشمنٹ‘‘ توں کوئی امیداں نہیں رہیاں یا فیر حضرت آپدے چونویں انداز وچ اْس رْسی زنانی وانگ چیخاں پئے مریندے نیں جہیڑی آپدے بندے ول ویکھ ویکھ کوکدے ہوئے نظراں نظراں وچ آکھدی ہے’’ پئی توں مینوں منا کے لیجاندا کیوں نہیں‘‘۔
اج اگست دی چھ تریخ ہو گئی ہے ۔ پورے 24 ورہے پہلاں اج دے دیہاڑ شہید بینظیر بھٹو ہوراں دی سرکار توڑی گئی سی ۔ ایہہ اوہ سرکار سی جہیڑی ضیاء الحق دے گیارہ ورہے دے منحوس دور بعدوں ووٹاں نال بنی سی۔ جے ایس سرکار نوں آپدا ویلہ پورا کرن دتا جاندا تاں اج پاکستان ہور دا ہور ہوندا۔ جنہاں ہرکاریاں شہید بینظیر بھٹودی سرکارنوں ’’سیکورٹی رسک‘‘ قرار دے کے ڈھایا سی اوہ ذرا اک وار آپدی حرکتاں تے مڑجھات تے پاون؟ انہاں ایس ملک نوں بچایا یا ایس دا کہان بچہ کہلو اگے پایا؟ جس میاں نواز شریف نوں اوہ شہید بینظیر بھٹو دا متبادل سمجھدے سن اْس نال انہاں دا اوہی جھیڑا ہویا جس پاروں انہاں شہید بی بی نوں کڈہیا سی۔ جمہوریت دے میثاقاں نیں سارے ایجنڈیاں نوں گھجل کردتا تے پئے بھرتو گئے۔ ذرا غور تے کرو، جہیڑے اک ppp نوں مکاون ٹرے سن اج دے پاکستان وچ انہاں اگے ’’ترے‘‘ وفاقی تے ادھی درجن توں وادھوصوبائی پارٹیاں نیں۔ کیانی ہوراں تے جمہوریت دے چھ سال لنگا دتے سن اتے ایس پاروں 2013 دی چوناں وچ فوجاں بارے کسے نیں وی ماڑا جہیا الزام وی نہیں لایا پر ایہو گل، اینج جاپدا ہے ،پئی کجھ دھڑیاں نوں ’’پسند‘‘ نہیں آئی۔ جد دے کیانی ہوری گئے نیں انہاں دے خلاف وی تے جمہوری بندوبست دے خلاف وی کم چْک کے رکھیا ہے۔ بابو تے پادری راہیں آپدا اْلو سدھا کرن والے ایہہ گل یاد نہیں رکھنا چاہندے پئی ایس ملک پاکستان وچ آئین ناں دی کوئی شئے وی ہے یا نہیں۔ اوہ تے ایہہ گال وی بھلنا چاہندے نیں پئی جے فیصلے ڈی چوک وچ کرن دی رسم ٹر پئی تاں پاکستان دا اللہ ہی حافظ ہو جا سی۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels