Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> کابل: گینگ ریپ دے پنج مجرماں نوں پھانسی

کابل: گینگ ریپ دے پنج مجرماں نوں پھانسی

وچار ڈیسک
October 9th, 2014

افغان ڈپٹی اٹارنی جنرل نے کابل دی پل چرخی جیل وچ بدھ نوں موت دی سزا تے عمل کرن دی تصدیق کر دتی۔
ریپ دا ایہہ واقعہ پچھلے ورھے اگست وچ کابل دے علاقے پغمان وچ پیش آیا سی تے ایہدے خلاف ملک وچ وکھالے وی ہوئے سن جیہناں وچ ایہدے ذمہ دارا بندیاں نوں پھانسی دی سزا دیون دی منگ کیتی گئی سی۔
افغانستان دے پچھلے صدر حامد کرزئی نے عہدہ چھڈن توں پہلے پچھلے ہفتے ایہناں بندیاں دی ڈیتھ وارنٹس تے دستخط کیتے سن۔
اقوام متحدہ دے انسانی حقاں دے دفتر دے آگو سمیت ایس مقصد لئی کم کرن والیاں عالمی تنظیماں نے افغانستان دے نویں صدر اشرف غنی نوں اپیل کیتی سی کہ اوہ ایہناں مجرماں نوں پھانسی دی سزا روکن۔
اقوام متحدہ دے اعلی اہلکار نے ایس سزا تے تشویش دا وکھالا کردے ہوئے کہیا سی کہ ایس مقدمے وچ افغان قانونی طریقہ کار دے مطابق انصاف دے تقاضے پورے نہیں کیتے گئے تے ایس سزا تے عمل کرن تے ملزماں نال یاں دوواں نال انصاف نہیں ہووے گا۔
ہیومن رائٹس واچ نے کہیا سی کہ ایس مقدمے وچّ ثبوتاں دی کمی تے زبردستی جرم مناون جیہے عمل ایہنوں متنازع بناندے نیں جد کہ ایمنسٹی انٹرنیشنل د اکہنا سی کہ ایس مقدمے وچ سیاسی مداخلت دا عنصر واضح رہیا اے۔
پُلس مطابق ایس واقعے وچ پُلس دی وردیاں وچ مجرماں نے پغمان دے کول گڈیاں دے قافلے نوں روک ایہناں چاراں سوانیاں نال جنسی زیادتی کیتی۔ ایہناں چاراں وچوں اک سوانی اوس ویلے حاملہ وی سی۔
پُلس دا کہنا اے کہ ایس حملے وچ ست بندے نیں جیہناں سبھ تے مسلح ڈکیتی تے پنج تے ایہناں نال جنسی زیادتی دا الزام وی ثابت ہویا سی۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels