Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> فرانس: مخالفاں تے کرسیاں چوری دا مقدمہ بنوا دتا

فرانس: مخالفاں تے کرسیاں چوری دا مقدمہ بنوا دتا

وچار ڈیسک
January 12th, 2017

ڈیکس: اساں تے سمجھدے ساں ساڈے ایتھے ہی سیاسی مخالفاں تے ’’کٹا‘‘ یا ’’بکری‘‘ چوری کرن دے مقدمے بن دے نیں پر اج پتہ چلیا یورپ والے وی کسے کولوں گھٹ نہیں۔ہورے یورپ دا آپدا کم وی خراب ہو رہیا ہے۔ فرانس 24 دی خبر موجب فرانس دے جنوب مغربی شہر ڈیکس (Dax) وچ ماحول بچاون لئی کم کرنے والے’’ جان پیلیس‘‘ دی حمائیتاں وچ اک ریلی کڈی گئی۔ اکتوبر 2015 وچ جان ہوراں اُتے اک مقدمہ بنایا گیا سی کہ اوس نے بینکاں دی برانچاں توں کرسیاں چرائیاں نیں۔جان دی حمائیتاں وچ آون والے احتجاجیاں وچ گرین پارٹی دے صدارتی امیدوار Jadot تے کسان رہنما blove ہوراں آپوں رلت وی کیتی۔ ’’جان‘‘ ہوراں دا قصور ایہہ سی پئی اوس نیں بینکاں دے ملازمین وچ مہم اساری سی کہ اوہ ٹیکس چوریاں وچ نہ رلن۔ جان ہوراں آپدے احتجاجاں لئی وکھرا وطیرہ اپنایا اتے مختلف بینکاں توں 200 کرسیاں چوری کیتیاں۔انہاں دا آکھنا سی پئی جے کرسیاں چوری کرنا غلط ہے تے پھیر جیہڑے بینک کلائنٹاں نال رل کے ٹیکس چوریاں کرواندے نیں اوہ تے کرسیاں چوری کرن توں وڈا جرم ہے۔میں تاں چوراں دی چوری کیتی ہے۔ ایہہ کرسیاں اخیر اک دن پیرس کورٹ آف جسٹس دے آگے فروری 2016 دے دن رکھ دتیاں گیاں۔ ایہہ اوہ دیہاڑ سی جدوں عدالت اک ایسے وزیر دا مقدمہ سن رہی سی جس تے ٹیکس چوریاں دا الزام سی اتے اوس نوں ٹیکس چوریاں روکن لئی وزیر لایا گیا سی۔ مقدمہ دے فیصلہ وچ جان ہوراں نوں 5 سال قید تے 75 ہزار یورو جرمانہ کردتا گیا۔ایس تے اک اپیل دائر کر دتی گئی جس دا کیس اج کل چل رہیا ہے۔ رولا پین تے، دنیا دے اک وڈے بینک BNP نے عدالت نوں آکھیا کہ جان نوں ٹوکن وچ اک یورو دا جرمانہ کردتا جائے۔پبلک پراسیکیوٹر عدالت نوں آکھیا پئی جدوں کرسیاں لبھ وی گیاں نیں فیر سزا نہیں ہونی چاہیدی سی۔ انہاں دلیلاں دتیاں کہ جان ہوراں دی نیت چنگی سی۔ چیتے رہے، جان ہوراں جس دن کرسیاں چرائیاں سن اوس دن پیرس وچ موسمیاتی وٹاندرے (Climate change) حوالے نال عالمی کانفرنس ہورہی سی اتے دسمبر 2015 دا دن سی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels