Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> ہور چوپو۔ ٹرمپ دی پریس کانفرنس: روس ہنس رہیاہے۔ ماسکو ٹائمز

ہور چوپو۔ ٹرمپ دی پریس کانفرنس: روس ہنس رہیاہے۔ ماسکو ٹائمز

وچار ڈیسک
January 12th, 2017

ماسکو: امریکہ وچ حلف چکن نوں تیار نویں صدر دی پہلی پریس کانفرنس تے روسی ہنس رہے نیں ۔ایہہ گل ماسکوٹا ئمز وچ کیون روتھ راک ہوراں لکھی ہے۔ ایس پریس کانفرنس وچ ٹرمپ ہوری مشہور امریکی میڈیا گروپ سی این این دے ’’جم اکو سٹا‘‘ نال لڑ پئے سن اتے آپدے مقام دا وی خیال نہ کیتا ۔انہاں دی ایس حرکت نوں روسیاں پھڑ لتا۔ بس لگدا ہے 20 جنوری بعدوں ہن امریکہ نوں اکثر اجہی صورتحال دا سامنا ہی رہے گا، ہورے پورے چارسال۔ ماسکو ٹائمز لکھیا ہے کہ جس طراں دی زبان ٹرمپ آپدی چوناں دی مہماں وچ ورتی سی ہن اوہی وطیرہ اوس دا پریس کانفرنس وچ وی نظر آیا۔ روسی اخبار دی سرخی پڑھ کے ایہو جاپدا ہے پئی روسی نہ ٹرمپ دے نال نیں اتے نہ ہی ڈیمو کریٹاں دے سگوں بس ہنس رہے نیں اتے امریکی پہاڑ دے تھلے سرنگ بنا کے دوڑ دْوڑ گئے نیں۔ روسیاں دا پکا خیال ہے پئی جے ٹرمپ جیہا بندہ اگلے چار سال امریکی صدر رہے گا تے دنیا امریکہ نوں سنجیدہ لینا گھٹ کردے گی اتے ایہو اوہ وتھ ہے جس نوں روسی آپدے لئی اک نادر موقعہ سمجھدے نیں۔ تاں مارے ٹرمپ دے حلف چکن دی ٹرمپ توں زیادہ روسیاں نوں اڈیک جے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels