Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> ایران مخالف پابندیاں دا خاتمہ روحانی دی وڈی کامیابی ہے: روسی پروفیسر

ایران مخالف پابندیاں دا خاتمہ روحانی دی وڈی کامیابی ہے: روسی پروفیسر

وچار ڈیسک
June 1st, 2017

ٹرمپ دی تقریر اتے امریکی خارجہ وزیر دے ایران مخالف بیانیے نے کم وکھایا ہے اتے ترکی، ایران تے روس وچ نویں سانگے ودھ رہے نیں۔ جے ایس نوں چینی پراجیکٹ ون بیلٹ ون روڈ نال رکھ کے ویکھو تاں ایہو نویں دنیا دا بوتھا جے۔پر کجھ قوتاں نوں ایہہ سب وارا نہیں کھاندا اتے انہاں دے سہولت کار کجھ زیادہ سرگرم نیں۔پاکستان وچکار کھڑا ہے اتے اوس نوں سعودی اتحاد دا لوبھ وکھایا جا رہیا ہے۔سوال ایہہ ہے کہ پاکستان ایس روس، چین، ایران تے ترکی دی تجارتی سانجھ نوں اہمیت دینداے یا سعودی عسکری اتحاد نوں کہ تساں روسی پروفیسر دی گلاں پڑھو۔

ماسکو : روس دی قومی یونیورسٹی دے پروفیسر نے آکھیا ہے کہ صدر 'حسن روحانی' نے ایران مخالف پابندیاں دا خاتمہ کروا کے ایرانی قوم لئی وڈی خدمت کیتی تے ایہہ انہاں دی اہم کامیابی ہے۔ایہہ گل ماسکو دی بین الاقوامی تعلقات یونیورسٹی دے پروفیسر 'سرگئی دروڑیلوفسکی' نے منگل دے دیہاڑ ارنا دے نمائندے دے نال گفتگو کردے ہوئے آکھی۔ ایس موقع تے انہاں نے آکھیا کہ ملکی تے غیرملکی سانگیاں دے حوالے نال صدر روحانی دے پہلے صدارتی دوران دی کامیابیاں دی وجہ توں انہاں دے دوجے صدارتی دور وچ ایران تے عالمی برادری دے درمیان آپسی ملن ورتن ودھ سکدا ہے۔ سرگئی دروڑیلوفسکی نے آکھیا کہ ہن ایران نے پابندیاں توں چھٹکارا حاصل کیتا ہے اسی لئی ایران، روس تے دوجے ملکاں دے وچکار ملن ورتن ودھان دا سنہری موقع مل گیا ہے۔ روسی پروفیسر نے آکھیا کہ پابندیاں پاروں ہلے وی مختلف شعبیاں سنے طیاریاں تے سیٹلائٹاں دے حوالے توں مختلف مسائل دا سامنا ہے۔ایسے لئی روسی حکومت پابندیاں دے خاتمے لئی سنجیدہ اقدامات کررہی ہے۔ انہاں نے ایس گل تے زور دتا کہ ایران نوں جوہری معاہدے دی کامیابی، ایس دے نفاذ تے مغربی ملکاں دے نال دوطرفہ سانگے ودھان دے بعد روس دے نال آپسی ملن ورتن ودھان دے پروگراماں نوں چالو کرن دے حوالے نال وی کجھ کرنا ہو سی۔ روسی سائنسدان نے آکھیا کہ ایران تے روس دے درمیان اہم پروگراماں چوں اک شمال تے جنوب بین الاقوامی ٹرانزٹ ٹرانسپورٹ دا رستہ ہے تے بنیادی ڈھانچے دی فراہمی دے باوجود ایس رستے دا استعمال کرنا لوڑی دا ہے۔ انہاں نے مزید آکھیا کہ آرمینیا، جمہوریہ آذربائیجان تے صوبے استراخان وچ خزری اولیا بندرگاہ ایران تے روس دے درمیانودی تجارتاں لئی لئی تیار ہے تے جے دوناں ملکاں ایس رستے نوں ورتن گے تاں ایہہ اک دوجے نال رل مل اگیے ودھن دا رستہ ااسان ہو سی۔۔ انہاں نے مزید آکھیا کہ ایران دی معیشت بہوں ہی متنوع ہے تے دوناں ملکاں دے درمیان اقتصادی سانگیاں نوں ودھان دے اج بہوں زیادہ موقعے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels