Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> ساڈے خلاف جھوٹی تے گھٹیا مہماں چلائی جارہیاں نیں۔ قطری حکومت۔جنگ نہیں گل بات

ساڈے خلاف جھوٹی تے گھٹیا مہماں چلائی جارہیاں نیں۔ قطری حکومت۔جنگ نہیں گل بات

وچار ڈیسک
June 6th, 2017

ایران نے عرب ملکاں ولوں قطر دے بائیکاٹ دے فیصلے نوں امریکی صدر ڈونالڈ ٹرمپ دے حالیہ دورہ سعودی عرب دا نتیجہ قرار دتا ہے۔ قطر ی حکومت آکھیا ہے کہ ایس دے خلاف جھوٹی تے گھٹیا مہماں چلائیاں جارہیاں نیں جس دا ٹیچاقطر دی ریاست نوں "باج گذار" بنانا ہے۔ سعودی عرب سمیت چھ عرب ملکاں ولوں قطر نال سفارتی تعلقات منقطع کرن تے بحری، بری تے فضائی رابطے معطل کرن دے فیصلے تے ردِ عمل ظاہر کردے ہوئے قطر دی خارجہ وزارت نے دوجے ملکاں دے داخلی معاملیاں وچ مداخلتاں دے الزام نوں مسترد کیتا ہے۔انہاں چھ ملکاں وچ لبیا وی رلتی ہے جتھے کوئی حکومت ہے ہی نہیں۔بیان وچ آکھیا جا رہیا ہے کہ قطر خلیج تعاون کونسل کا رکن ہون دے ناتے تنظیم دے منشور تے مکمل طور تے عمل کررہیا ہے تے دوجی ریاستاں دی خودمختاری دا مکمل احترام کردا ہے۔ اعلان دے کجھ گھنٹیاں بعد خانہ جنگی دا شکار یمن تے لیبیا دی بین الاقوامی حمایت یافتہ حکومتاں نے وی قطر دے بائیکاٹ وچ شامل ہون دا اعلان کیتا ۔جی سی او ملکاں دا الزام ہے کہ قطر دی حکومت عرب دنیا وچ سرگرم اسلامی تحریک اخوان المسلمون لئی نرم گوشہ رکھدی ہے جداں کہ عرب ملک قطری حکومت دے ایران دے نال سانگیاں توں وی ویہرے نیں۔ ایران دے صدر حسن روحانی دے ڈپٹی چیف آف اسٹاف حامد ابو طالبی نے اپنے اک ٹوئٹ وچ آکھیا ہے کہ ایہہ دورہ سعودی عرب دے دوران ڈونالڈ ٹرمپ دے اپنے سعودی میزباناں دے نال "تلواراں والے رقص دا ابتدائی نتیجہ ہے۔حالیہ لڑائی دے بعد قطر ایئرویز نے سعودی عرب لئی اپنی ساریاں پروازاں منسوخ کردتیاں نیں۔ جداں کہ متحدہ عرب امارات وچ قائم قطری سفارت خانے نے امارات وچ موجود اپنے سارے شہریاں نوں 14 دیہاڑ دے اندر عرب امارات توں نکل جان نوں آکھیا ہے۔قطری سفارت خانے نے سوشل میڈیا تے جاری اک بیان وچ آکھیا ہے کہ اماراتی حکام نے قطری شہریاں نوں ملک توں 14 دیہاڑ دے اندر نکلن دا حکم دتا ہے جس تے قطری شہریاں نوں عمل کرنا لوڑی دا ہے۔قطر جو کجھ کر رہیا ہے اوہ اوس وچ اکلا نہیں ہے اتے ایران، اومان، شام، ترکی سب نوں سعودی امریکی اتحاد بارے تحفظات نیں اتے انہاں ملکاں تے الزام ہے کہ ایہہ ملک حناس، اخوان تے طالبان نوں گل بات دی ٹیبل تے لیانا چاہندے نیں اتے قطر انہاں پالیسیاں دا حامی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels