Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> تھریسا مئے نوں اسلام دا بخار:ٹیکنالوجی کمپنیاں مخالفتاں کردتیاں۔گوگل، فیس بک، ٹوئیٹر وی بول اٹھے

تھریسا مئے نوں اسلام دا بخار:ٹیکنالوجی کمپنیاں مخالفتاں کردتیاں۔گوگل، فیس بک، ٹوئیٹر وی بول اٹھے

وچار ڈیسک
June 6th, 2017

بین الاقوامی ٹیکنالوجی کمپنیاں نے برطانوی وزیر اعظم تھریسا مئے دے الزاماں نوں غلط آکھدے ہوئے دسیا ہے کہ اوہ اسلام پسند انتہا پسندی نوں 'محفوظ تھاواں' نہیں دیندے۔خیال رہے کہ تھریسا ہوراں لندن وچ ہون والے حملے دے ضمن وچ آکھیا سی کہ دہشت گرداں دے حملے دی منصوبہ بندی نوں روکن لئی سائبر سپیس نوں مضبوط کرن پاروں نویں بین الاقوامی معاہدے دی لوڑ ہے۔انہاں آکھیا کہ انٹرنیٹ دے بعض حصیاں نوں بند کر دینا چاہیدا ہے کیونکہ ٹیکنالوجی دی وڈی کمپنیاں دہشت گردانہ نظریات نوں 'محفوظ تھاواں' فراہم کردیاں نیں ۔ اوپن رائٹس گروپ نے آکھیا ہے کہ سماجی رابطیاں دی کمپنیاں مسئلہ نہیں ۔ دوجے پاسے ریڈیکلائزیشن دے اک ماہر نے تھریسا ہوراں دے بیان نوں 'دانشوارنہ طور تے ’’کاہل ‘‘آکھدے ہوئے اوس دی مخالفتاں کیتیاں نیں۔ٹوئٹر، فیس بک تے گوگل دا آکھنا ہے کہ اوہ انتہا پسندی نال لڑن لئی پہلے توں ہی سخت کوشش کر رہے نیں۔ گوگل نے آکھیا ہے کہ ایس نے پہلے ہی لکھاں ڈالر ایس مسئلے نال نبڑن لئی خرچ کر رکھے نیں۔ فیس بک نے آکھیا کہ اوہ جارحانہ انداز وچ ایس قسم دے مواد نوں ہٹاندا رہندا ہے۔ بی بی سی دے اک نمائندے دا کہنا ہے کہ ٹیکنالوجی دا شعبہ ایس گل تے تقریباً متفق ہے کہ میسجنگ دے ایپ وچ انکرپشن نوں کمزور کرن پاروں صارفاں دی پرائیویسی نوں وادھو خطرے پیدا ہو جاسن۔گوگل (یوٹیوب ایس دا حصہ ہے) فیس بک (واٹس ایپ ایس دا حصہ ہے) تے ٹوئٹر تے پہلے توں ہی انتہا پسند مواد نال نبڑن دا دباؤ ہے جو کہ اتوار دے بعد مزید ودھ گیا۔برطانوی وزیرِ اعظم آکھیا سی کہ اسی ایس نظریے نوں پنپن لئی محفوظ تھاواں نہیں دے سکدے۔ پر انٹرنیٹ تے وڈی کمپنیاں۔۔۔ فراہم کر رہیاں نیں۔وزیر داخلہ امبر روڈ نے آکھیا کہ سوشل میڈیا کمپنیاں لئی بین الاقوامی معاہدے دی لوڑ ہے تاکہ اوہ ریڈیکلائزیشن نوں روکن لئی مزید کوششاں کرن۔ پرائیوسی تے آن لائن اظہار رائے دی آزادی دی حمایت کرن والے اوپن رائٹس گروپ نے آکھیا ہے کہ مزید سخت قنوناں پاروں دہشت گرد ویب دے 'مزید اندھیرے حصیاں' وچ وڑ جان گے۔ انہاں نے آکھیا کہ 'فیس بک ورگی انٹرنیٹ کمپنیاں نفرت تے تشدد دے اسباب نہیں نیں سگوں غلط طریقے نال انہاں نوں مہرہ بنایا جا سکدا ہے۔'


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels