Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> ٹرمپ داصادق تے ’’حملہ‘‘۔اک سوچی سمجھی ’’سازش‘‘۔فرقو تے دھرمی ونڈاں۔شرم کرو

ٹرمپ داصادق تے ’’حملہ‘‘۔اک سوچی سمجھی ’’سازش‘‘۔فرقو تے دھرمی ونڈاں۔شرم کرو

وچار ڈیسک
June 6th, 2017

ٹرمپ سعودی عرب وچ فرقو اتے لندن وچ دھرمی ونڈاں نوں ودھا رہیا ہے کہ ایہہ سب سوچیا سمجھیا ’’ریپبلکن، ٹوری‘‘ ایجنڈا ہے۔ترے وچوں دو حملہ آور لبیا دے سن کہ جو کجھ امریکہ، فرانس تےبرطانیہ, لبیا وچ پچھلے پنج سالاں وچ کیتا اوس گھٹیا پالیسی نوں منن دی تھاں لندن دے مسلمان مئیر نوں نشانہ بنانا انکاری مہاندرےState of denialدا لشکارا۔مڈل ایسٹ وچ فرقہ وارانہ لڑائیاں تیز کروان توں بعد ٹرمپ برطانیہ وچ دھرمی نفرتاں ودھا رہیا ہے کہ پاکستان وچ وی ٹوریاں تے ریپبلکناں دے گھڑکنے سٹیٹ کرافٹ وچ دھرمی تے فرقو ونڈاں نوں ورتدے نیں۔میڈیا وچ دسیا گیا ہے کہ صدر ٹرمپ نے لندن دے میئر صادق خان بارے آکھیا کہ اوہ لوکاں نوں آکھدا ہے کہ انہاں نوں گھبران کی لوڑ نہیں ہے۔ میئر صادق خان نے عوام نوں آکھیا سی کہ لندن وچ اضافی پلس نوں ویکھ کے ڈرن دی لوڑ نہیں ہے۔ لندن وچ سنیچر دے دہشت گرد حملے دے حوالے نال اک دعائیہ پروگرام وچ رلت بعد میئر صادق خان نے صدر ٹرمپ دے بیان دا جواب دیندے ہوئے آکھیا کہ'اوہ صدر ٹرمپ نوں ایہہ اجازتاں نہیں دین گے کہ اوہ ساڈی برادریاں وچ پاڑ پائے۔'بی بی سی نال گل کردے ہوئے صادق خان نے آکھیا کہ' سانوں شناخت کرن دی لوڑ ہے کہ کجھ لوگ ساڈی برادریاں نوں تقسیم کرنا چاہندے نیں، کجھ اختلافاں نوں ودھانا چاہندے نیں۔ چیتے رہے کہ لندن وچ حملے بعد صدر ڈونلڈ ٹرمپ دے پُتر ولوں لندن دے میئر صادق خان تے تنقید کیتی گئی سی۔ ڈونلڈ ٹرمپ جونیئر نے اپنی ٹویٹ وچ صادق خان دی 2016 ستمبر وچ کیتی گئی اک ٹویٹ دا حوالہ دیتا سی جس وچ صادق خان نے آکھیا سی کہ 'دہشت گردی دے حملے 'کسی وی وڈے شہر وچ رہن دا حصہ بن چکے نیں۔ ایس تے ٹرمپ جونیئر نے لکھیا کہ 'تُسی کیہ مذاق کر رہے ہو؟'لیبر پارٹی دے رکن پارلیمنٹ ویس سٹریٹنگ نے لکھیا 'تُسی ساڈے شہر تے دہشت گردی دے حملے نوں بنیاد بنا کے لندن دے میئراو تے اپنے سیاسی فیدے لئی حملہ کر رہے ہو۔ تہانوں شرم آنی چاہیدی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels