Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> بارکنگ وچ خوف کیوں؟بٹ بارے دسن باوجود پلس کیوں خموش؟وائس آف امریکہ دی رپورٹ

بارکنگ وچ خوف کیوں؟بٹ بارے دسن باوجود پلس کیوں خموش؟وائس آف امریکہ دی رپورٹ

وچار ڈیسک
June 8th, 2017

رپورٹ دس رہی ہے کہ پلس نوں کمیونٹی ولوں دسیا گیا سی کہ انہاں بندیاں دی سرگرمیاں مشکوک نیں پر پلس کجھ نہ کیتا۔سوال ہے کہ پلس تے کس دا پریشر سی؟جے کوئی بنیاد پرست فارن پالیسی پاروں سوٹ کردا سی اوس نوں برطانیہ وچ کیہہ آزادیاں مل جاندیان سن؟لندن دے پرانے مئیر نے تے ایم آئی پنج ول وی اشارے کیتے نیں۔عبیدی دی وی پہلے توں رپورٹ سی۔ ایہہ مسئلہ نرا نرم قنوناں دا نہیں سگوں ایس ول سعیدہ وارثی نے بی بی سی نوں دتے انٹرویو وچ وڈے اشارے کیتے نیں اتے ایس دے سانگے فارن پالیسی نال ہی ملدے نیں۔این آئی چھ دی تریخ بارے لکھی سرکاری کتاب دے لکھاری کیتھ جیفری تے ایجنسی دے جہادی جتھے بندیاں نال سانگیاں دی گل تھاں تھاں کردی ہے۔قذافی دے مخالفاں وچ جہادی وی سن جنہاں نوں اسلامی سوشلزم نال ویر سی۔اجہے لوکاں نوں جے تسی پالدے رہے تے کیہہ چوناں توں پہلے ایہہ سرگرم ہو گئے؟کیہہ ایہہ سب چوناں تے اثر پاون دی کوششاں نیں؟ایہہ سوال وائس آف امریکہ دی رپورٹ پڑھ کے ہور ودھ گئے۔ہن تسی آپ رپورٹ پڑھو۔
برطانوی پلس نے انہاں تِن افراد دی شناخت ظاہر کر دتی ہے جیہناں نے ہفتے دے دیہاڑ لندن برج دے نیڑے دہشت گرد حملہ کر کے ست لوکاں نوں ماریا سی۔ انہاں تِن افراد وچ شامل 27 سالہ خرم شہزاد بٹ تے 30 سالہ رضوان راشد مشرقی لندن دے ڈسٹرکٹ بار کنگ وچ رہندے سن۔ جداں تِیجے حملہ آور دی نشان دہی یوسف زغبہ د ے ناں توں کیتی گئی ہے جو اطالوی مراکشی شخص ہے۔بارکنگ وچ رہن والے اکثر لوکاں وچ ایہہ تشویش ودھ رہی ہے کہ انتہا پسند، انٹیلی جینس اداریاں تے مقامی مسلم کمیونٹی، دوناں دی نظر وچ آئے بغیر کس طراں ایہہ کارروائی کرن وچ کامیاب ہوئے۔بارکنگ دے مشرقی مضافاتی علاقہ وچ ، ہفتے دے دیہاڑ پورا علاقہ ا یس انکشاف دے بعد ہل کے رہ گیا کہ لندن برج دا دہشت گرد حملہ اسی کمیونٹی نال تعلق رکھن والے افراد نے کیتا سی۔ اک حملہ آور27 سالہ خرم شہزاد بٹ اوتھے اک اپارٹمنٹ وچ اپنی بیوی تے دو چھوٹے بچیاں دے نال رہندا سی۔ایس بلاک وچ رہن والی اک خاتون نے دسیا کہ ایس نے بٹ دی مشکوک سرگرمیاں بارے دو سال پہلے تے ایس دے بعد وی ایس وقت پلس نوں شکایت کیتی سی جداں بٹ نے ایس دے پُتر نوں، جداں اوہ اک مقامی پارک وچ اپنے دوستاں دے نال کھیڈ دا سی، اپنا مذہب تبدیل کر کے اسلام قبول کرن تے قائل کرن دی کوشش کیتی سی۔ شہزاد خرم نوں جانن والے مقامی لوکاں دا آکھنا ہے کہ اوہ کسی زمانے وچ نیڑے واقع جابر بن زیاد مسجد وچ نماز پڑھدا سی، پر ایس نوں امام دے نال لڑن دے بعد اوتھوں باہر کڈھ دتا گیا سی۔ کمیونٹی دے راہنماواں آکھنا ہے کہ سارے مقامی مسیتاں حملے دی مذمت وچ یک زبان تے متحد نیں۔ بنگلہ دیش ورلڈ وائیڈ نیوز پیپر دے ایڈیٹر مخلص چوہدری کہندے نیں کہ کمیونٹی دے سارے سرکردہ افراد تے مسجد دے سارے عہدے دار ایہہ گل تے زور دے کے کہہ رہے نیں جے کوئی ایہہ دہشت گردی کردا ہے تے اوہ اینج دے کسی وی شخص نوں معاف نہیں کرن گے۔ کمیونٹی دے لوک ایس بارے وچ سنجیدہ نیں کیوں کہ ایس توں انہاں نوں نقصان پہنچ رہیا ہے۔مسجد دے بالکل سامنے، سینٹ مارگریٹ چرچ آف انگلینڈ سکول تے بالکل نیڑے ہی لندن سکھ گردوارہ واقع ہے۔ بارکنگ دے رہائشیاں نے وائس آف امریکہ نوں دسیا کہ تمام عقائد دے لوکاں وچ ہم آہنگی ہے تے رل مل کے بھائی چارے دے نال اکٹھے رہندے نیں پر بہت سارے لوک ایس واقعہ توں ہل کے رہ گئے نیں۔اک مکین گیوسپی فریسنڈا دا آکھناہے کہ سچ گل تے ایہہ ہے کہ ہن مینوں ٹیشن جان توں ڈر لگدا ہے۔تُسی بس وچ وی نہیں جا سکدے کیوں کہ تُسی خوفزدہ ہو۔ مسلم کمیونٹی ہفتے دے حملے توں کسی وی طور منسلک ہون نوں مسترد کردی ہے۔ علاقے دے بہت سے سارے مسلماناں نوں اپنے عقیدے دے خلاف کسی سخت رد عمل دا خوف ہے۔ بارکنگ دے اک رہائشی محمد ذکی دا آکھنا ہے کہ ایتھے لوک بہت دوستانہ ماحول وچ رہندے نیں تے ایتھے ایہو جہی کوئی انتہا پسندی نہیں ہے۔ ایہہ گل ناقابل قبول ہے کہ صرف برطانیہ ہی وچ نہیں سگوں دنیا بھر وچ مسلماناں نوں ہدف بنایا جا رہیا ہے۔کیہہ صرف مسلمان ہی برے لوک نیں تے باقی سب بہت چنگے لوک نیں؟۔انٹیلی جینس ادارویاں دا آکھنا ہے کہ حملہ آوراں دا پتہ چل گیا ہے پر ایس دے کوئی شواہد موجود نہیں نیں کہ عنقریب کوئی ہور دہشت گرد حملہ ہون والا ہے۔ عہدے دار ایس بارے وچ چھان بین کر رہے نیں کہ آیا کمیونٹی وچ کچھ ہور لوک انہاں دوناں دی انتہا پسندی توں آگاہ سن یا انہاں نے ایس نوں لُکان وچ مدد کیتی سی؟۔ مسلم راہنما دہشت گرداں نال کسی وی قسم دے تعلق نوں مسترد کردے نیں تے انہاں دا موقف ہے کہ اوہ پلس دے نال بھر پور تعاون کر رہے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels