Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> برطانیہ : شدت پسنداں دی لسٹ ا تے پلس ؟کیہہ شدت پسندی نری مذہبی ہوندی ہے؟ نازی یاد نیں؟

برطانیہ : شدت پسنداں دی لسٹ ا تے پلس ؟کیہہ شدت پسندی نری مذہبی ہوندی ہے؟ نازی یاد نیں؟

June 8th, 2017

شدت پسندی اصل وچ ات گردی دی ماں ہے اتے جے ایس نوں کسے ہور ٹیچے پاروں لانبھے کر دتا جائے تاں ایس دا رزلٹ ہور نکلدا ہے۔بی بی سی دی ہشیار رپورٹ وچ نرا شام دا ذکر ہے اتے جے ایس وچ افغان جہاد توں عراق تے لیبیا دے حوالے وی رلتی کرو تاں رولا سمجھ آون لگدا ہے۔ایس رپورٹ نما خبر دا دوجا گھاٹا ایہہ ہے کہ لکھاری ایہہ دسن دی کوشش کیتی ہے کہ شدت پسندی نری ’’مذہبی‘‘ ہی ہوندی ہے۔جے کوئی نرا فارن پالیسی دی وجہ توں شدت پسند ہو رہیا ہے تے اوس وچ ’’مذہب‘‘ بنیادی کارن نہیں ہوندا۔غیر مذہبی شدت پسندی دی کئی اک شکلاں نیں اتے برطانیہ والے ہٹلر نوں بھلے نہیں۔اوہ شوہدا کسے چرچ یا مدرسے پاروں شدت پسند نہیں سی؟ اج دے برطانیہ وچ شدت پسندیاں دی وڈی مثال تے نسلی قوم پرست نیں پر ہشیار خبر وچ انہاں بارے اشارہ وی نہیں۔صادق ہوراں دے الیکشن وچ جیہڑی تعصباں والی مہماں چلیاں سن کیہہ کسے پلس نیں اوس خلاف کوئی لسٹ بنائی سی؟ ایہہ سب سوال کہ تسی ہن بی بی سی دی خبر پڑھو

برطانیہ وچ شدت پسندی دے حالیہ وقوعیاں بعد لوگ شدت پسنداں دی لسٹاں بارے گل کر رہے نیں۔ پر کیہ ایسی کوئی لسٹ ہیگی وی ہے یا نہیں؟ رائل یونائیٹڈ سروسز انسٹیٹیوٹ دی مارگریٹ گلمور نے ایس بارے گل بات کردے ہوئے دسیا کہ ’لسٹاں تے کئی طراں دی ہوندیاں نیں‘۔شدت پسندی دے رویے رکھن والیاں دی لسٹاں بندیاں نیں اتے انہاں دی نگرانیاں کیتیاں جاندیاں نیں۔ ’مثال دے طور تے اک وقت ایسا سی جداں نوجوان شام جار رہے سن تے انہاں دی نگرانیاں کیتی جاندیاں سن۔ پلس نوں بہوں تشویشاں سن۔ نوجواناں نوں لگدا سی کہ جے اوہ شام جا کے شدت پسند جتھے بندی دولت اسلامیہ لئی کم کرن تے انہاں دی زندگی ودھیا ہو جائے گی۔’بس ترکی رستے سفر کرن والے اتے استنبول جان والی پروازاں تے اکلے سفر کرن والیاں نوں روک لتا جاندا سی۔ مارگریٹ دا کہنا ہے کہ ایہہ فہرست وی دو حصیاں وچ ونڈی ہے۔ ’ایس وچ شدت پسنداں دے ناں نیں تے سانوں دسیا گیا ہے کہ انہاں چوں 20 ہزار توں وادھو برطانیہ وچ نیں تے انہاں دی ہر وقت نگرانیاں نہیں کیتی جاندیاں۔ جے اوہ معمول توں ہٹ کے کجھ کرن، جے اوہ تھاں تبدیل کرن، اونتری حرکتاں کرن یاکوئی جرم کرن تے فیر انہاں دی نگرانیاں دوھا دتیاں جاندیاں نیں۔‘ مارگریٹ دسیا پئی ایس فہرست وچ تقریباً 3000 ناں موجود نیں تے ایم آئی فائیو نوں انہاں بارے بہوں تشویشاں رہندیاں نیں۔ ’اسی جاندے ہاں کہ ایہہ لوک ہر وقت مسلسل نگرانی وچ رہندے نیں۔‘ ’برطانیہ دی اپنی ہی فہرست ہے جس دا اوہ دوجے ملکاں وچ اعتباری لوکاں نال تبادلہ کردا ہے۔‘ مارگریٹ دا کہنا ہے کہ ایہہ ایس لئی لوڑی دا ہے تانجے ایس مگر کوئی نیٹ ورک ہے تے اوس تیک اپڑیا جا سکے۔ اوہ ناواں دا تبادلہ کردے نیں تے دوجے ملکاں توں پچھدے نیں کہ کیہ انہاں دی لسٹاں وچ ایہو جیہا کجھ ہے؟ انہاں دا مزید کہنا سی ’اپنی اپنی فہرستاں دے باوجود یورپی تے بین الاقوامی لسٹاں وکھ نیں۔‘ مارگریٹ آہندی ہے: ’سکیورٹی والیاں کول انہاں لوکاں دی فہرست موجود ہے جو انہاں دے خیال وچ دولت اسلامیہ دے نال کم کرن لئی شام گئے سن۔ جداں اوہ برطانوی پاسپورٹ تے واپس آندے نیں تے انہاں نوں روک لتا جاندا ہے۔ انہاں نال گل بات کیتی جاندی ہے، پچھیاجاندا ہے کہ انہاں نوں کوئی ندامت ہے تے کیہ اوہ روک تھام سکیم دا حصہ بننا چاہن گے۔‘’جے سیکورٹی والیاں نوں لگے کہ کجھ لوک ایسے رلتی نیں جیہناں دے ناں فہرست وچ وی شامل نیں تے اوہ کجھ اونترا کم کرن والے نیں تے ایس خدشے پاروں انہاں نوں پھڑیچ لتا جاندا ہے۔‘ مارگریٹ دا ایہ وی کہنا ہے کہ ’جے تہاڈے کول شہادتاں نہیں تے تُسی مقدمہ نہیں چلا سکدے۔‘


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels