Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> چوہدراہٹ دا طریقہ:پہلاں لڑاؤ، فیرصلح کرواؤ۔میں صلح کروا دینا ہاں ٹرمپ

چوہدراہٹ دا طریقہ:پہلاں لڑاؤ، فیرصلح کرواؤ۔میں صلح کروا دینا ہاں ٹرمپ

وچار ڈیسک
June 9th, 2017

وائٹ ہاؤس دے اک بیان وچ آکھیا گیا ہے کہ ’’لڑن والیاں دے اختلافاں نوں سلجھان لئی صدر نے مدد دی پیش کش کیتی جس وچ، جے ضروری ہویا تے وائٹ ہاؤس دے نال ملاقات شامل ہوئے گی‘‘۔ قطر دے امیر شیخ تمیم بن حماد الثانی نال ٹیلی فون تے گل کردے ہوئے، امریکی صدر ڈونالڈ ٹرمپ نے ہمسایاں دے نال جاری قطر دے سفارتی بحران دے معاملے تے ثالثی دی پیش کشاں کیتیاں نیں۔ایس دی کڈی قیمت ہوئے گی ایس بارے ہلے پتہ نہیں۔ پر اج کل قومی مفاد وچ ٹرمپ ہر کم تے رقماں ضرور پھردا ہے۔ ٹیلی فون تے ہونے والی ایس گل بات دے ونڈے گئے متن پاروں ’’صدر نے ایہہ گل کیتی ہے کہ دہشت گردی نوں شکست دین تے علاقائی استحکاماں نوں تگڑاکرن لئی، اک متحد خلیج تعاون کونسل تے اک مضبوط متحدہ امریکہ خلیج کو آپریشن کونسل دی پارٹنرشپ لوڑی دی ہے‘‘۔کیہہ ایہہ عرباں نوں مستقل بنیاداں تے چون دا اک ہشیار وتیرہ جے؟ ٹرمپ دی پیش کش توں پہلے، امریکی وزیر خارجہ ریکس ٹلرسن ایس ہفتے دے شروع وچ آکھیا سی کہ امریکہ خلیج تعاون تنظیم نوں ’’متحد رکھن‘‘ دے حوالے نال مدد فراہم کرن دا پکا ارادہ رکھداہے۔ بس پہلاں خلیج تعاون نوں توڑن دا پربندھ کیتا گیا تے ہن جوڑن دا آکھیا جا رہیا ہے۔ منگل دے دیہاڑ ٹوئٹر تے تِن پوسٹاں وچ، ٹرمپ نے قطر نوں اِکلاکرن دے سعودی اقدام دا سہرا اپنے ناںآپ ہی کر لتا سی پر ہن انہاں یوٹرن لے لیا۔ چیتے رہے پئی مشرق وسطیٰ وچ امریکی فوج دا سب توں وڈا اڈا دوحہ(قطر) وچ ہی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels