Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> لندن:نسل پرستی وادھو، اک شہید دس زخمی۔’’میں مسلماناں نوں مکانا چاہندا ہاں‘‘ حملہ آور دی پھڑیچن لگیاں پکار

لندن:نسل پرستی وادھو، اک شہید دس زخمی۔’’میں مسلماناں نوں مکانا چاہندا ہاں‘‘ حملہ آور دی پھڑیچن لگیاں پکار

وچار ڈیسک
June 19th, 2017

بریگسٹ بعدوں لندن دا بوتھا ہور دا ہور ہوندا جارہیا ہے کہ صادق دی چونان توں جیہڑا کوڑ کم گولڈ سمتھ دی اولاد شروع کیتا سی اوہ ودھدا جارہیا ہے۔کیہہ ایہہ ٹرمپ دی جنگ وچ برطانیہ دی حاضریاں دا ایجنڈا ہے؟ میڈیا دی کوڑ رپورٹنگ بارے وی گلاں وادھو۔ ہلے اگ لگن والے پلازے دی تحقیقاں پوریاں نہیں ہوئیاں سن جس وچ بہتے رہائشی وی مسلمان اتے باہروں آن وسے ہوئے سن کہ مسیت توں تروایاں پڑھ کے نکلدے بندیاں تے گڈی چڑھا دتی گئی۔حملہ آور پھڑیچیا گیا ہے پر اصل وڈا مسئلہ تے نیٹ ورک دا ہے۔جے پلس پہلاں دی طراں ایس نوں وی ’’اکلا‘‘ وقوعہ ڈکلیئر کردتا تاں اصل نیٹ ورک دے گل گواچ جائے گی۔ایہہ گل کیتی جارہی ہے کہ اہلکاراں وچ وی نسلی انتہا پسندرجحان نیں۔میڈیا وچ رپورٹ ہویا ہے کہ برطانیہ دے دارلحکومت لندن وچ مسلماناں دے خلاف مذہبی منافرت دا اک ہور واقعہ سامنے آیا ہے تے سیون سسٹر روڈ تے ڈرائیور نے فنزبری مسجد وچ تراویاں پڑھ کے باہر آن والیاں تے وین چڑھا دتی جس دے نتیجہ وچ اک بندہ ماریا گیا تے 10توں زائد زخمی ہو گئے۔ برطانوی میڈیا دے مطابق وین وچ تِن افراد سوار سن۔فیر سوال ہے باقی دو کون سن؟۔واقعہ دے بعد پلس نے فنز بری پارک ٹیشن تے آل دوال دا علاقہ وی سیل کر دتا سی۔ پلس دے مطابق رات گئے واقعے دی اطلاع ملی سی۔مسیت دے امام دی ہشیاری کم آئی جس نے ملزم نوں زندہ پھڑیچن لئی لوکاں نوں قابو کیتا۔ پلس دے آون توں پہلاں ملزم نوں لوکاں پھڑ لتا سی تے ملزم لوکاں نوں غصہ دواندا رہیا۔اوہ آکھ رہیا سی کہ میں مسلماناں نوں مار دواں گا۔امام ہوراں سمجھداری وکھائی کیونجے ملزم نوں زندہ پھڑیچنا لوڑی دا سی۔امام ہوراں دا ساتھ بہوں سارے نمازیاں وی دتا۔امام دی ہشیاری پاروں مسلماناں تے قنون نوں ہتھ وچ لین دا الزام وی نہ لگیا اتے ملزم زندہ وی پھڑیا گیا۔کوربن تے مئے سنے سب نے ایس ھملے دی مذمتاں کیتیاں نیں پر ایہہ گل پکی ہے کہ قدامت پسند پارٹی دا بیانیہ مذہبی تے وقومیتی منافرتاں نوں ودھاندا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels