Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> راج نیتی تے ہرکارے:لیڈی ڈیانا نوں شاہی خاندان دے حکم تے قتل کیتا: سابق ایجنٹ ایم آئی فائیو

راج نیتی تے ہرکارے:لیڈی ڈیانا نوں شاہی خاندان دے حکم تے قتل کیتا: سابق ایجنٹ ایم آئی فائیو

وچار ڈیسک
June 22nd, 2017

لگدا ہے شاہی خاندان بریگسٹ کروا کے وی ’’ساداتی عزتاں‘‘ دی راکھی نہیں کر سکیا۔ملکہ دی سالگرہ مناون نال وی کم نہیں سریا۔کل تے چارلس ہوری نمازیاں تے وین چڑھاون والے متاثرین کول وی جا اپڑے سن۔ملکہ وی اگ لگن والے پلازے والیاں کول اپڑی سی تے اوتوں ایہہ خبر آگئی ہے۔ہیمفرے دے انکشافاں توں بعدوں جان ہاپکنز دا ناں وی تریخ وچ رقم۔ برطانیہ دی خفیہ ایجنسی ایم آئی فائیو دے سابق ایجنٹ نے دعویٰ کیتا ہے کہ شہزادی ڈیانا کار حادثے وچ ہلاک نہیں ہوئی سی سگوں انہاں نوں قتل کیتا گیا سی۔ غیر ملکی نیوز ویب سائٹ تے چھپن والی رپورٹ دے مطابق لیڈی ڈیانا نوں قتل کرن والا ایم آئی فائیو دا ایجنٹ ایس وقت بستر مرگ تے ہے۔ جان ہاپکنز نامی ایس 80 سالہ ایجنٹ نے اپنی موت توں پہلے اعتراف کیتا ہے کہ ایس نے شہزادی ڈیانا نوں قتل کیتاسی۔ جان ہاپکنز دے مطابق ایس نے 1973 توں 1999 تک ایم آئی فائیو وچ خدمات سرانجام دتیاں، ایس دوران ایس نے 23 افراد نوں قتل کیتا جنہاں وچ شہزادی ڈیانا وی شامل سی۔ جان ہاپکنز دا دعویٰ ہے کہ لیڈی ڈیانا نوں قتل کرنا ناگزیر ہو چکیا سی کیونکہ انہاں دی وجہ توں شاہی خاندان دی عزت گھٹدی جا رہی سی۔شہزادی دے قتل بعدوں کیہہ شاہی خاندان اپنی عزتاں بچا لیاں نیں؟جسوس ہوراں آکھیا کہ ایس توں اڈ شہزادی ڈیانا نوں شاہی خاندان دے راز وی پتہ چل چکے سن، جنہاں نوں اوہ پبلک کرن دا پروگرام بنا رہی سی۔ جان ہاپکنز نے آکھیا کہ اس نوں حکم دتا گیا کہ ہر صورت وچ لیڈی ڈیانا نوں قتل کرنا ہے پر انہاں دی موت حادثہ لگنی چاہیدی ہے۔قنون دی حکمرانی پاروں انگریزاں دے سسٹم دی دن رات دہائیاں دین والے لیڈراں تے دانشوراں لئی ایہہ خبر پڑھنا لوڑی دی ہے تاں ماریویب سائٹ دا لنک وی تھلے دیرہے ہاں۔
 Link of the news
http://tapnewswire.com/2017/06/dying-mi5-agent-admits-to-killing-princess-diana-in-deathbed-confession-retired-hitman-confesses-to-murder-of-the-peoples-princess/


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels