Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> جیسی ماں، اْنج دا ہی پتر:میں اپنی ماں دے سفنے پورے کر ساں۔ہیری۔ملکہ پوتے اگے بے بس؟

جیسی ماں، اْنج دا ہی پتر:میں اپنی ماں دے سفنے پورے کر ساں۔ہیری۔ملکہ پوتے اگے بے بس؟

وچار ڈیسک
June 23rd, 2017

برٹش پادشاہی نوں اتوں تھلے تیک(Overhaul)ٹھیک کرن دی لوڑ ہے۔میری ماں سانوں دوناں بھراواں نوں عام تے سادہ زندگی گذارنا سکھاندی سی تے سانوں بے گھرلوکاں دی آبادی وچ لے گئی سی۔اج شاہی خاندان وچ کوئی اک وی ہے جیہڑا پادشاہ یا ملکہ بننا چاہیندا ہے؟ میرا خیال ہے اک وی ایس لئی تیار نہیں۔اساں نرا ہتھ ملاون تک نہیں رہنا چاہندے سگوں لوکاں وچ رلنا چاہیندے ہاں۔میں وجدانی(intuitively) طور تے ایہہ گل جانداں ہاں کہ میری ماں مینوں کنج دا ویکھنا چاہندی سی تانجے میں اوہ کم پورے کر سکاں جیہڑے اوہ کر نہ سکے سی۔ایہہ اوہ گلاں جیہڑیاں ڈیانا دے نکے منڈے ہیری ہوراں امریکی رسالے نیوز ویک نوں انٹرویو وچ کیتیاں۔انٹرویو دا لنک خبر دے اخیر وچ آسی۔ایہہ انٹرویو اک ایسے وقت چھپیا جداں برٹش خفیہ سروس ایم آئی فائیو دے جسوس جان ہاپکنز ایہہ اعترافی بیان دتا کہ شاہی خاندان دے حکم تے اوس ڈیانا نوں ماریا سی۔ہیری دے انٹرویو وچ ایس دا کوئی حوالہ نہیں پر ہورے ہیری نوں ایس دی کوئی سن گن ہوئے۔ہیری دے انٹرویو وچ چاہی خاندان توں اوہی بیزاری نظر آندی ہے جس دا لشکارا ڈیانا وچ سی۔
شاہی آداب تے فضول دی شاہی رسماں ریتاں تے طنز کردے ہوئے ہیری نوں اپنی ماں دا جنازہ یاد آگیا جداں20سال پہلے نکے ہیری نوں دکھاوے دی رسماں پاروں بہوں دیر سڑکاں تے ٹرنا پیا سی۔باراں سالہ ہیری ہورے ماں دے لاشے نال لگ کے رونا چاہندا سی پر شاہی آداب ایس دی اجازتاں نہیں دیندے سن۔تاں مارے ہیری آکھیا کہ کدی وی، کسی وی صورت حال پاروں،کسی بچے نوں ایہہ نہیں کہنا چاہیدا۔ چیتے رہے کہ 1997 وچ جدوں شہزادی ڈیانا فرانس وچ ماری گئی سی تے اک ہفتہ بعدوں لندن وچ اوس دی اخیری رسومات شاہی آداب نال ادا کیتیاں گیاں سن کہ جس وچ پرنس ہیری اپنے والد، اپنے وڈے بھراء، اپنے دادا دے اتے ماں دے اک رشرے دارنال والدہ دی اخیری رسماں وچ شرکت کیتی تے اوہ لندن دی سڑکاں توں لنگن والے جلوس دا حصہ سن۔ہیری نوں ایس دا کڈا کوڑ سی کہ 20سال بعدوں وی اوہ ایس وقوعے نوں بھلیا نہیں۔ایس دا کارن شاہی جنازہ سی تاں مارے ہیری عام انسان وانگ جینا چاہندا ہے۔ایہو اوہ دکھ ہے جس پاروں32سالہ ہیری اج کل سنٹرل لندن دے کنگسٹن پیلس وچ دو کمریاں دے اپارٹمنٹ وچ رہندا ہے جداں کہ اوس دا بھائی ایسے پیلس وچ 22کمریاں دے وچ۔ماں دی موت اتے بعدوالی حرکتاں نوں ویکھن بعدوں اوہ ٹٹ گیا اتے دس سال اونتریاں حرکتاں کردا رہیا۔اوہ نشیاں وچ لکدا رہیا، اک وار نازی لباس وی پا لتا اتے2012وچ لاس وگاس وچ اک زنانی نال ننگی فوٹو وی بنوا لتی۔پرفیر اوس نوں سرت آگئی۔
ہیری اپنے وڈے بھرا تے بھابی نال رل کے عام لوکاں وچ رلت چاہندا ہے اتے ایس دا لشکارااوس دی اپنی ذات تے اپنے عشق وچ وی ہے۔اوس دی گرل فرینڈ اک امریکی کڑی میگان مارکل ہے جیہڑی طلاق یافتہ وی ہے، مشہور اداکارہ وی اتے زنانیاں دے حقاں دی سیوک وی کہ ایہہ سب چاہی خاندان دے ورتارے توں باہر ہے۔ہیری شاہی خاندان تے عام بندیاں وچ نویں سوشل کنٹریکٹ دا متمنی ہے تانجے شاہی تفاخر عزتاں نال مر سکے۔جے ہاپکنز دی گل درست ہے تاں ایہہ گل وی پکی ہے کہ ملکہ ہوری ڈیانا نوں مار کے وی جت نہ سکی کہ ملکہ دا پوتا اتے ڈیانا دا پتر ماں دے سفنیاں دا راکھا بن کھلوتا ہے۔
Interview of Harry
http://www.newsweek.com/2017/06/30/prince-harry-depression-diana-death-why-world-needs-magic-627833.html


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels