Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> مطالبے منو یا10 دن بعدجنگ:ترکی دے اڈے چکن سمیت سعودی عرب ولوں13 مطالبے۔مسلم دنیا وچ انتشاری پروگرام

مطالبے منو یا10 دن بعدجنگ:ترکی دے اڈے چکن سمیت سعودی عرب ولوں13 مطالبے۔مسلم دنیا وچ انتشاری پروگرام

وچار ڈیسک
June 24th, 2017

ڈیڈ لائن جولائی دے پہلے ہفتہ وچ مک جا سی کہ پاکستانی پارلیمنٹ نوں وی اپنی تیاری رکھنی چاہیدی ہے۔ٹرمپ سمیت بہوں سارے تے ایس انتشار توں ڈالر کماون دا سوچ رہے نیں کہ اینج دی لالچ ہر ملک وچ وادھو۔مطالبے دس رہے نیں کہ امریکی سعودی اتحاد کیہہ چاہندا ہے۔لڑائی دا ماحول بنایا جا رہیا ہے اتے ریکس ٹلرسن ورگے ہلہ شیریاں دے رہے نیں۔صاف نظر آرہیا ہے کہ ایس ٹرمپی چومکھی دے ٹیچیاں وچ ڈالر کمانا اتے چین نوں مڈل ایسٹ آون توں ڈکنا ہے۔اجہے پریشراں نوں اوہی ملک نجھٹ سکدے نیں جیہڑے اپنے اندر کوئی وڈی وتھ نہ رکھن،جنہاں دے زیادہ ترہمسائیاں نال وی سانگے چنگے ہون اتے کجھ وڈی طاقتاں وی انہاں نال ٹرن لئی تیار ہون۔سعودی عرب نرے امریکی بھار نال خطے دا تھانیدار ہن نہیں بن سکدا کہ ایہہ تڑیاں سرد جنگ وچ ہی چلدیاں سن۔
سعودی عرب، مصر، متحدہ عرب امارات ولوں پیش کیتے گئے انہاں مطالبیاں وچ ٹی وی چینل الجزیرہ بند کرنا، ترک فوجی اڈیاں نوں چکنا۔ ایران توں تعلقات وچ کمی ورگے مطالبے رلتی نیں اتے ایس تے عملدرآمد لئی قطر نوں دس دن دا وقت دتا گیا ہے۔ حال ہی وچ چھ عرب و خلیجی ملکاں نے قطر تے دہشت گرد گروپاں دی مدد کرن تے خطے نوں غیر مستحکم کرن دے الزاماں پاروں سفارتی سانگے مکا دتے سن جدوں کہ قطر انہاں الزامات توں انکار کردا ہے۔ایہہ مطالبے ایس وقت قطر دے سامنے پیش کیتے گئے نیں جدوں حال ہی وچ امریکی وزیر خارجہ ریکس ٹلرسن نے قطر دا بائیکاٹ کرن والے چاروں عرب ملکاں نوں آکھیا سی کہ اوہ اپنے مطالبے'قابل عمل تے مناسب' رکھن۔ بی بی سی دا کہنا ہے کہ امریکہ ایس بحران دا حل چاہندا ہے تے سعودی عرب ولوں مطالبیاں دی فہرست تیار کرن وچ تاخیر توں امریکہ کافی پریشان سی۔ ناں نہ ظاہر کرن دی شرط تے متعلقہ حکام نے دسیا کہ مطالبات دی ایس فہرست نوں کویت نے قطر دے حوالے کیتا ہے جو ایس بحران نوں حل کرن لئی ثالث دا کردار ادا کر رہیا ہے۔ قطر ولوں ایس فہرست تے فوری طور تے کوئی ردعمل سامنے نہیں آیا ہے ۔ قطری وزیرِ خارجہ شیخ محمد بن عبدالرحمان الثانی کہہ چکے نیں کہ پابندیاں دے خاتمے تک گل بات نہیں ہوئے گی۔دوجے پاسے ٹلرسن ایس گل تے خش ہے کہ قطر خلاف چارج شیٹ تیار کر لتی گئی ہے اتے ہن اوہ قطر نوں وی دے دتی جا سی۔ خبر رساں ادارے ایسوسی ایٹڈ پریس نے سعودی عرب، مصر، متحدہ عرب امارات تے بحرین دے مطالبیاں دی فہرست حاصل کیتی ہے جس پاروں قطر نوں آکھیا گیا ہے کہ
ترکی دے اڈے چکے
ایران نال سانگے توڑے
الجزیرہ دے علاوہ اعرابی21 تے مڈل ایسٹ آئی ورگے خبر رساں اداریاں دی مالی مدد بند کرے۔
اوہ عرب ملکاں ولوں پابندی دا شکار اخوان المسلمون توں تمام سانگے توڑ لے۔
چاروں ملکاں دے انہاں شہریاں نوں بیدخل کر دے جنہاں نوں قطر نے شہریتاں دتیاں سن۔
چاروں ملکاں نوں دہشت گردی دے الزاماں پاروں جیہڑے بندے چاہیدے نیں اوہ انہاں ملکاں دے حوالے کرے۔
ایسے شدت پسند گروہاں دی مالی امداد بند کرے جیہناں نوں امریکہ نے دہشت گرد قرار دتا ہویا ہے۔
سعودی عرب تے دوجے ملکاں دی حکومت مخالف انہاں شخصیاتاں دی فہرست فراہم کرے جنہاں نوں قطر نے مالی مدد فراہم کیتی ہے۔
سیاسی، اقتصادی تے دوجے ماملیاں وچ خلیج تعاون کونسل دے موقف نال سانجھ پیدا کرے۔
مالی ہرجانہ ادا کرے۔
reference of another news
https://www.rt.com/news/393663-qatar-gulf-demands-ultimatum/


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels