Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> بھارت وچ اینٹی پاکستان لابی نوں دھچکہ: مقدمہ والپس لینا پئے گیا۔تنگ نظر قوم پرستاں دا بوتھا اکو جیہا

بھارت وچ اینٹی پاکستان لابی نوں دھچکہ: مقدمہ والپس لینا پئے گیا۔تنگ نظر قوم پرستاں دا بوتھا اکو جیہا

وچار ڈیسک
June 24th, 2017

بھارت وچ اینٹی پاکستان تے اینٹی چین لابیاں بڑی تگڑیاں کہ انہاں دے فیصلے بھارت دا مذاق بناون دا سبب وی بندے نیں۔کرکٹ میچ دی جت یا ہار نوں ’’قوم پرستیاں‘‘ نال جوڑنا اجیہا کوڑ کم ہے کہ ایہہ کم کوئی تنگ نظرقوم پرست ہی کر سکدا ہے۔عالمی پدر تے ایس خبر تے ہن غداری دے مقدمے دی واپسی پاروں جگ ہسائی دا بندوبست کسے ہور نہیں سگوں آپ بھارتیاں ہی کیتا۔بھات وچ وی اجہے لوک وادھو جیہڑے ایس مقدمے نوں تنگ نظر دھرمی قوم پرستی دا بوتھا لکھیا۔پہلاں غداری تے بغاوتاں دا مقدمہ بنایا گیاسی تے ہن جداں ہر کسی نے مذاق اڈایا تے ذرا نرم الزام لا رہے نیں۔بھارتی قوم پرستی ایڈی ماڑی ہو چکی ہے کہ اک کرکٹ میچ دی جت یا ہار اوس نوں ہلا دیندی ہے۔اجہی قوم پرستی کسے ہور دی تھاں خود نوں نقصان دیندی ہے۔
مقدمہ واپس لین ویلے ہور نموشیاں نوں لکان لئی آکھیا گیا کہ پھڑے گئے افراد نوں رہا نہیں کیتا گیا سگوں انہاں دے خلاف کئی دوجی دفعات دے تحت مقدمہ چلایا جائے گا جنہاں وچ معاشرتی یکجہتیاں نوں نقصان پہنچان تے مجرمانہ نیتاں نال پروگرام کرنا شامل ہے۔وائس آف امریکہ سنے عالمی میڈیا ایس خبر نوں بربر چلا رہیا ہے۔ بھارت نے انہاں 15 مسلماناں دے خلاف بغاوت دا الزام واپس لے لیتا ہے جنہاں نوں چیمپیئنزٹرافی وچ پاکستانی ٹیم دے جتن دی خوشی منان تے گرفتار کیتا گیا سی۔ بھارتی ریاست مدھیہ پردیش وچ پلس نے نامہ نگاراں نوں دسیا کہ گرفتار کیتے گئے 15 مسلماناں تے لائی گئی بغاوت دی دفعہ نوں عدالت وچ ثابت کرنا بہت مشکل ہے، کیونکہ ساڈے کول ایہہ ثبوت موجود نہیں ہے کہ انہاں نے پاکستانی ٹیم دی جت دی خوشی مناندے وقت بھارت مخالف نعرے وی لائے سن یا نہیں۔ پلس دے اک عہدے دار آر آر پاریہار نوں ایہہ آکھنا پیاکہ تحقیقاں پاروں پتہ چلیا ہے کہ انہاں دا کوئی مجرمانہ پس منظر نہیں ہے۔ جدوں کہ واپس لتی جان والی بغاوت دی دفعہ دے تحت انہاں نوں عمر قید دی سزا ہو سکدی سی۔ خبراں دے مطابق ضلع برہان پور دے 15 دیہاتیاں نے اتوار دے روز چیمپیئنز ٹرافی وچ پاکستان دی فتح تے بھارتی ٹیم دی شکست تے آتش بازی کیتی سی تے پاکستان دے حق وچ نعرے لائے سن۔ اک ہندوہمسائے دی شکایت تے پلس نے انہاں نون بغاوت دے الزام وچ گرفتار کر لتا سی۔ انسانی حقوق دی بین الاقوامی تنظیم ایمنسٹی انٹرنیشنل نے ایس الزام دی مذمت کردے ہوئے ایس نوں کوڑ قرار دتا سی۔بھارتی تنگ نظر قوم پرستاں کنج عالمی پدر تے اپنے ملک دا بوتھا رگیدیا ایہہ مثال اوس مائنڈ سیٹ نوں سمجھن لئی کافی ہے۔ دوناں ہمسایہ ملکاں دے کرکٹ دے شیدائیاں دے درمیان ایس چیمپیئنز ٹرافی دے مقابلیاں دے دوران جذبات انتہائی عروج تے سن۔ ایہہ 2007 دے بعد پہلا موقع سی کہ دوناں ٹیماں کسی وڈے فائنل مقابلے وچ اک دوجے دے سامنے سن۔ وایس آف امریکہ لکھیا ہے کہ2014 وچ 60 توں زیادہ بھارتی طالب علماں نوں اک میچ دے دوران پاکستان دے حق وچ نعرے لان تے بغاوت دے الزام وچ گرفتار کیتا گیا سی۔ پچھلے سال اک پاکستانی شخص نوں ایس وقت حراست وچ لے لتا سی جدوں ایس نے اپنے پسندیدہ بھارتی کھلاڑی ویرت کوہلی دی حمایت دے اظہار لئی ایس وقت بھارتی جھنڈا لہرایا سی جدوں ایس نے سنچری بنالتی سی۔ہن جے پاکستانی تے بھارتی قوم پرستیاں ایڈی کمزور ہو رہیاں نیں تے ایس وچ مسئلہ کوئی ہور ہے۔انتہا پسندیاں تے تنگ نظر قوم پرستیاں پاروں ایہہ ہور کمزور ہو سی کہ اج سرد جنگاں دا زمانہ نہیں رہیا۔یورپ، امریکہ دے نسلی قوم پرست ہون یا جنوبی ایشیا دے تنگ نظر قوم پرست ایہہ سب اپنے اپنے ملکاں دی اج اوکڑاں ودھا ہی سکدے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels