Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> چین: مٹی دا تودہ ڈگن پاروں 141 توں وادھو بندے 'لاپتہ'۔میڈیا انتشاری کم نہیں کیتا!موبائل کم آیا

چین: مٹی دا تودہ ڈگن پاروں 141 توں وادھو بندے 'لاپتہ'۔میڈیا انتشاری کم نہیں کیتا!موبائل کم آیا

وچار ڈیسک
June 25th, 2017

مٹی دے تودے تھلے کئی زنانیاں تے بندیاں موبائل فوناں پاروں اپنے پیاریاں تے ایمرجنسی نمبراں تے فون کیتے۔کجھ لوکاں نوں بچا لتا گیا۔ ایہہ گلاں نیویارک ٹائمز لکھیاں۔ پر وڈا مسئلہ ایہہ ہے کہ جداں آفت آندی ہے تے میڈیا ، متعلقہ ادارے تے سیاسی لوک کیہہ کردے نیں۔اساں آفتاں تے وی سیاستاں کردے ہاں تے غداری جہے مسئلیاں تے وی پر تگڑی وطنی ریاستاں وچ ایہہ نہیں ہوندا۔اک آفت بارے رپورٹنگ کردے ہوئے پہلا کم اوس آفت لئی نبڑن لئی لوکاں نوں تیار کرنا ہونا لوڑی دا ہے۔ذمہ واری فکس کرنا بعد دا مسئلہ ہے کہ ریسکیو دا کم فوری ہوندا ہے۔ایہہ وی لوڑی دا ہے کہ خود میڈیا نارمل دناں وچ آفتاں نال نبڑن دے مسئلہ ول لوکاں تے حکومت دی توجہ پاروں کڈے پروگرام کیتے۔اپوزیشن پارلیمنٹ تے پریس کانفرنساں وچ ایس مسئلہ نوں نارمل دناں وچ چکیا؟ تانجے آفتاں نال نبڑن دے بندوبست وچ گھاٹیاں نوں آفت آون توں پہلاں حل کر لتا جائے۔پر ساڈے ایتھے ایہہ نہیں ہوندا اتے ریٹنگ دا مارا میڈیا لٹھ پہلے چکدا ہے تے کس نوں مارنی ہے ایس بارے بعد وچ سوچدا ہے۔تسی ہن چین دی خبر پڑھو ۔
چین دے جنوب مشرقی علاقے وچ مٹی دا تودہ ڈگن نال 100 توں وادھو بندے ایس دے تھلے دبے جان دا خدشہ ظاہر کیتا جا رہیا ہے۔ صوبہ سیچوان وچ ماؤ کاؤنٹی دی مقامی حکومت دسیا کہ ہفتہ ،24جون نوں سویرے مٹی دا تودہ سرکن پاروں بہوں ساریاں چٹاناں دے پتھر تے مٹی’’ شنمو‘‘ نامی پِنڈ دے گھراں تے آ ڈگیا تے ایس نالوں 40 توں وادھو مکاناں تے اک ہوٹل نوں نقصان ہویا۔ حکام دے مطابق دوپہر تک 141بندیاں دے لاپتہ ہون دا اندازہ سی ۔سڑک دا تقریباً اک میل دا لمیرا حصہ وی مٹی دے تودے تھلے دب چکیا سی۔ امدادی کارکناں نے5 بندیاں نوں بچان دا دسیا ہے جنہاں وچ اک مہینے دا نکا بچہ وی رلتی ہے۔ مقامی امدادی عہدیدار وانگ یونگبو نے سرکاری نشریاتی ادارے 'سی سی ٹی وی' نوں دسیا کہ مٹی دے تودے نے دریا دے دو کلومیٹر تک دے بہاؤ نوں وی متاثر کیتا ہے تے انہاں دے بقول ایتھے اندازاً 30 لکھ کیوبک میٹر مٹی تے پتھر ڈگے ہوئے نیں۔ پہاڑ توں ڈگن والے ایس تودے دی ضحامتاں دا اندازہ ایس طراں لایا جا سکدا ہے کہ اولمپکس دے تقریباً 1000 توں ودھ سوئمنگ پولاں دے بربرسی اوہ تودہ۔ امدادی کامے ریسکیووچ رجھے نیں جنہاں وچ پلس اہلکاراں سمیت 400 توں وادھو کارکن حصہ لے رہے نیں۔ سی سی ٹی وی تے وکھائے جان والی فلماں وچ مٹی ہٹان لئی مشینری دے ورتارے توں اڈ رسیاں دے ذریعے چٹانی پتھراں نوں وی ایتھوں کھچن دے سین وی ویکھے جا سکدے نیں۔ اک موسمیاتی ماہر سی سی ٹی وی نوں دسیا کہ ایس علاقے وچ ہون والی مسلسل بارش اگلے کجھ دیہاڑ وی جاری رہ سی۔ ماؤ کاؤنٹی دی آبادی تقریباً اک لکھ دس ہزار ہے جنہاں وچ اکثریت چیانگ اقلیتی برادری توں تعلق رکھدی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels