Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> صدام دی فوج دا عراقی افسر داعش دا نواں پردھان؟اک تگڑی فوج توڑن دا انجام؟

صدام دی فوج دا عراقی افسر داعش دا نواں پردھان؟اک تگڑی فوج توڑن دا انجام؟

وچار ڈیسک
June 26th, 2017

صدام تے قذافی نوں مار کے کیہہ لبھا؟ مشرق وسطی دا گند ہور ودھ گیا۔ہن جداں شام دی واری آئی تے دنیا نوں احساس ہویا کہ جو کجھ صدام تے قذافی خلاف ہویا سی اوہ وی کوڑ کم سی۔جنہاں ملکاں تے عالمی اداریاں عراق تے لبیا وچ ’’تبدیلی‘‘ دی حمائیتاں کیتاں سن اج اوہ منہ لکاندے نیں۔جے دس سال بعد وی صدامی عراقی فوج دے انڈے بچے کسی نہ کسی شکل وچ موجود نیں تے ایہہ اوس پالیسی تے بیانیے دے کوڑ ہون دا شافی ثبوت جے۔پر جیہڑے مڈل ایسٹ دی اگ وچ تیل پاونا چاہندے نیں انہاں دے ٹیچے پورے ہو رہے نیں۔
البغدادی نے 2014 وچ اپنے خلیفہ ہون دا اعلان کیتا سی پر مشرق وسطی دے ماہراں دا کہنا ہے پئی ایس دے پچھلگ ہورے خلیفہ اکھوانا نہیں چاہن گے۔ جے داعش دے سربراہ ابوبکر البغدادی دے مرن دی گل پکی ہو جاندی جے(روسیاں نوں ایس دے مرن داسو فیصدی یقین جے) تاں ایس دے دو نائباں چوں اک نوں داعش دی پردھانی مل سکدی ہے۔ اوہ دونوں سابق ڈکٹیٹر صدام حسین دے دور وچ فوج دے عہدے دار رہ چکے نیں۔صدام دی فوج نوں توڑن تے دسمبر2006وچ صدام نوں پھاہے چڑھان دے باوجود دس سال بعدوں وی اوس فوج دے انڈے بچے کم وکھا رہے نیں جو اک کوڑ امریکی عراق پالیسی دا لشکارہ ہے۔وائس آف امریکہ لکھدا ہے کہ اسلامی انتہا پسند گروپاں تے نظر رکھن والے دھانسو دانشور، البغدای دے کسی جانشین بارے پکی گل نہیں کر دے پر انہاں دا کہنا ہے عیاد العبیدی تے ایاز الجمالی ایس عہدے دے مضبوط امیداوار نیں۔ پر انہاں چوں کوئی وی غالباً بغدادی دی طراں خود نوں خلیفہ کہلوانا نہیں چاہے گا۔ روس دی وزارت دفاع نے پچھلے ہفتے آکھیا سی کہ ایس دے طیاریاں نے شام وچ جو بم گرائے سن انہاں وچ بغدادی ہوریپورے ہو چکے نیں۔ خبررساں ادارے انٹر فیکس نے روس دے اک سینیئر رکن پارلیمنٹ دے حوالے نال جمعے دے روز آکھیا سی کہ 100 فی صد امکان ایہو ہے کہ بغدادی ماریا جا چکیا ہے۔ پر ایس خطے وچ لڑن والے مسلح گروپاں تے امریکی عہدے داراں دا کہنا ہے کہ انہاں دے کول ایسے بارے کوئی پکی گل نہیں جس پاروں بغدادی دے مرن بارے تصدیقاں ہو سکن۔ ابوبکر بغدادی دے ممکنہ جانشیناں وچ عبیدی دی عمر پنجاہ سال دے لگ بھگ ہے تے اوہ داعش وچ وزیر جنگ دے طور تے کم کر رہیا ہے۔ جمالی دی عمر 45 توں کچھ زیادہ ہے تے اوہ داعش دے سیکیورٹی توں متعلق محکمے دے سربراہ نیں۔ اپریل وچ عراق دے سرکاری ٹیلی ویژن نے جمالی دی ہلاکت دی خبر نشر کیتی سی، پر ایس دی ہلے تک تصدیق نہیں ہو سکی۔ انہاں دوناں نے 2003 وچ صدام دا تختہ الٹن دی امریکی فوجی کاروائی دے بعد داعش وچ رلت اختیار کیتی سی۔ انہاں دوناں نوں 2016 وچ اک فضائی حملے وچ داعش دے نائب امیر ابو علی انباری، چچنیا توں تعلق رکھن والے وزیر جنگ ابو عمر الشیشانی تے پراپیگنڈہ امور دے سربراہ ابو محمد العدنانی دے مرن بعد البغدادی دے دو وڈے پردھاناں پاروں ویکھیا جاندا ہے۔ انتہا پسندگروپاں تے نظر رکھن والے اک عراقی ماہر فضل ابو رغیف کہندے نیں کہ ہن ایس گروپ دے کول حکمرانی لئی زمین نہیں ہے تے انہاں دوناں چوں کوئی وی دینی امور تے مہارت نہیں رکھدا۔ مشرق دسطی وچ انتہا پسند گروپاں دے اک تے ماہر ہاشم الہاشمی کہندے نیں کہ خلیفہ لئی لوڑی دا ہے کہ اوہ اسلامی فقہ دا ماہر ہوئے۔ داعش دے نویں امیر دی منظوری اک اٹھ رکنی مجلس شوریٰ دے گی پر شوریٰ دے ارکان سیکیورٹی پاروں اپنا اجلاس نہیں کردے تے اوہ اپنی رائے خصوصی ہرکاریاں راہیں گھلدے نیں۔ شوریٰ دے چھ ارکان دا تعلق عراق توں ہے۔ ستواں رکن اردنی تے اٹھواں سعودی باشندہ ہے۔ انہاں ساریاں دا تعلق سنی سلفی تحریک توں رہیا ہے۔ شوریٰ دا نواں رکن جو بحرین توں سی، پچھلے سال مئی وچ اک فضائی حملے وچ مار ا گیا سی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels