Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> قطر جھیڑا:سعودی مطالبے’’ جنونی ‘‘نیں۔جرمنی۔بحرین داترکی بارے یو۔ٹرن

قطر جھیڑا:سعودی مطالبے’’ جنونی ‘‘نیں۔جرمنی۔بحرین داترکی بارے یو۔ٹرن

وچار ڈیسک
June 27th, 2017

دس دن دی ڈیڈ لائن نیڑے اپڑ رہی ہے تے پریشر ودھ رہیا ہے۔جرمن خارجہ وزیر نے قطر خلاف پیش کیتے گئے تیرہ مطالبیاں نوں’’جنون ودھان والے‘‘ آکھدے ہوئے رگیدیا ہے۔چین وانگ جرمنی وی ایس جھیڑے نوں ودھاون خلاف جے۔امریکہ دے پریشر تے پہلاں خطہ دے کجھ ملکاں ولوں تیرہ مطالبے آئے سن پر ہورے مستقبل وچ امن گل بات دا سہولت کار بنن لئی امریکہ انہاں مطالبیاں دا مثبت نتیجہ نہیں ویکھدا۔اک پاسے جرمن خارجہ وزیرسیگمر جبرئیل ہوراں دا بیان آگیا تے دوجے پاسے تیرہ مطالبے جاری کرن والے ملکاں وچوں اک، بحرین دے ترکی بارے یو۔ٹرن دی کہانی وی سامنے آگئی۔بحرین دے خارجہ وزیر شیخ خالد بن احمد ال خلیفہ ہوراں جون دی دس تریخ نوں کجھ ہور آکھ رہے سن جداں اوہ ترکی دے دورے تے سن۔انہاں دا آکھنا سی کہ قطر جھیڑا سیاسی تے سیکورٹی مسلیاں پاروں ودھیا ہے ایس دا کوئی عسکرحوالہ نہیں۔انہاں ترکی دی پارلیمنٹ ولوں قطر فوجاں گھلن دے2016والے فیصلے نوں ’’امن دی کوششاں‘‘ آکھیا سی۔پر دو ہفتیاں دے اندر اندر انہاں نوں یو۔ٹرن لینا پئے گیا۔دو ہفتے پہلاں ترکی دے خارجہ وزیر نال مل کے کیتی پریس کانفرنس وچ خلیفہ ہوراں قطر وچ ترکی دے اڈیاں نوں جی سی سی(خلیجی کونسل) ملکاں وچ جنگ نہ ہون دی ضمانت آکھیا سی۔جبرئیل ہوری برلن وچ ہون والے یورپی کونسل دے اکٹھ دی میزبانیاں کر رہے نیں جیہڑا خارجہ مسئلیاں بارے ہے۔انہاں آکھیا کہ اساں سب دھڑیاں نال رابطے وچ ہاں۔تیرہ مطالبیاں بارے انہاں آکھیا کہ کجھ مطالبے ایسے نیں جنہاں تے گل بات ہو سکدی ہے پر کجھ قطری خودمختاریاں وچ مداخلتاں تے مبنی نیں۔الجزیرہ نوں بند کرنا، ترکی دے اڈیاں نوں چکنا تے ایران نال سانگے گھٹانا جہے مطالبے ’’جنگی جنون‘‘ نوں ودھاندے نیں۔اج منگل دے دیہاڑ جبرئیل ہوری ایرانی خارجہ وزیر نوں وی مل رہے نیں۔ایران یورپی یونین نوں ٹینشناں گھٹاون لئی کردار ادا کرن دا آکھ چکیا ہے۔ایس ویلے پاکستان دا سٹینڈ چین تے جرمنی ورگا ہے پر پاکستان وچ کجھ قوتاں سعودی ایرانی اتے شیعہ وہابی جھیڑیاں نوں ودھاندے ہوئے امریکی سعودی اتحاد وچ رلنا چاہندیاں نیں۔سعودی تے ایرانی ہرکارے ایس وتھ نوں ودھانا چاہندے نیں۔پاڑہ چنار وچ ہوئے ات گردی دے مسئلہ نوں فرقو رنگ دین والے ایس اگ دا بالن بن رہے نیں۔پاکستانی پارلیمنٹ نوں ایس ویلے اپنا کردار ادا کرنا چاہیدا ہے پر کجھ اپوزیشن جماعتاں اگ تے نرا تیل ہی پانا چاہندیاں نیں۔
https://www.pakistantoday.com.pk/2017/06/27/saudi-demands-from-qatar-very-provocative-germany/


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels