Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> ترک فوجی قطر اپڑ گئے: سانجھیاں فوجی مشقاں وی ہون گیاں

ترک فوجی قطر اپڑ گئے: سانجھیاں فوجی مشقاں وی ہون گیاں

وچار ڈیسک
June 30th, 2017

قطر وچ دفاع دی وزارت ایہہ گل کنفرم کیتی ہے کہ ترک فوجاں دا نواں، تازہ جتھہ قطر اپڑ گیا ہے اتے ہن اوہ اوس فوجی اڈے وچ رلتی ہو سی جیہڑا قطرنے ترکی نوں دتا ہے۔ دوناں ملکاں وچ دفاعی معاہدہ وی ہے اتے ایس پاروں دوناں فوجاں سانجھی مشقاں وی کرن گیاں۔ایہہ فوجاں ایس ویلے اپڑیاں نیں جداں تیرہ مطالبیاں دی ڈیڈ لین مکن والی ہے پر دوجے پاسے انہاں مطالبیاں نوں عالمی حمائیتاں نہیں مل سکیاں۔
چیتے رہے، جداں سعودی عرب تے دوجے ملکاں قطر دا بائیکاٹ کیتا سی تے ترکی دی پارلیمنٹ نے ترے دناں وچ 2015دے اوس فوجی معاہدے دی منظوریاں دے دتیاں سن جیہڑا دو سال توں سرد خانے وچ پیا سی۔ 8 جون نوں ترک پارلیمنٹ نے فوجی معاہدے دی منظوریاں دتیاں تے ہن ایہہ نویں ترک فوجی جتھے ایسے معاہدے پاروں قطر اپڑے نیں۔
18جون توں 5آرمڈ وہیکلز تے 23فوجی افسر پہلاں ہی قطر آچکے سن۔ ایہہ خبر قطر دے اخبار حریت توں اڈ الحبزیرہ وی چھاپی ہے پر ساڈے ایتھے اجہی خبراں زیادہ اگڑ ویاں کرکے نہیں چھاپی جاندیاں۔ اخبار لکھیا ہے کہ ترک فوجیاں توں اڈ اک ائیر فورس دا دستہ وی جلد قطر آرہیا ہے۔ قطر تے ترکی دی سانجھیاں مشقاں دے شروع ہون دا اعلان تے پہلاں ہی ہوچکیا ہے اتے ایس لئی عیدوں بعد دی تریخ رکھی گئی سی۔
ایہہ گل اہم ہے کہ عرب دنیا وچ ایہہ ترکی دا پہلا فوجی اڈا ہے جس پاروں تہانوں سمجھ آجانی چاہیدی ہے پئی سعودی عرب نوں قطر نال ایڈا ویر کیوں پیا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels