Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> شہر شہر ملک ملک >> نویں واری شمالی کوریا دی ہے یاایران دی؟ ٹرمپ کجھ وی کر سکدا ہے؟

نویں واری شمالی کوریا دی ہے یاایران دی؟ ٹرمپ کجھ وی کر سکدا ہے؟

وچار ڈیسک
July 1st, 2017

شمالی کوریا بارے میرا صبر دا پیمانہ بھر گیا جے۔ایہہ بیان امریکی صدر ٹرمپ دتا ہے۔دوجے پاسے اقوام متحدہ وچ امریکی سفیر نکی بیلی دا آکھنا ہے پئی ایران جوہری معاہدے توں پچھت ہٹ رہیا ہے۔اینج جاپدا ہے کہ ٹرمپ اپنے اقتداری پیریڈ وچ کسے نہ کسی تھاں وچ جنگ دا تحفہ دے کے ہی جان گے۔سعودی عرب نوں تے انہاں ڈھا لتا ہے پر قطر دے کیس وچ اوہ ذرا اوتاولے نہیں لگدے کہ ڈیڈ لین مکن ویلے انہاں توپاں دا رخ شمالی کوریا ول فیر کر دتا ہے۔ایس بارے ہلے گل سامنے نہیں آئی کہ اوہ جنوبی کوریا نوں خش کر رہے سن یا چین خلاف کھڑا ہون دی کوشش کر رہے نیں۔امریکہ نے پچھلے دناں اک چینی بینک تے پاندیاں ایسالزام پاروں لائیاں نیں کہ اوہ شمالی کوریا دے کالے دھن نوں چٹا کر رہیا سی۔ٹرمپ دا خیال ہوئے کہ ایہہ کم تے صرف یورپی تے امریکی بینک ہی کر سکدے نیں۔چین انہاں دے چھابے وچ ہتھ نہ مارے پر جین ایس خلاف سخت بیان دتا ہے۔دوجے پاسے اقوام متحدہ وچ ایران خلاف کیس تگڑا کرن لئی نکی بیلی آکھیا کہ ایران میزائلاں دے تجربے کر رہیا ہے اتے اوس دے فوجی افسر معاہدے دی خلاف ورزیاں کردے ہوئے دوجے ملکاں دے دورے کر رہے نیں۔اقوام متحدہ دے پولیٹیکل چیف جیفری فلٹمن امریکی خیلات توں نیڑے نیں اتے انہاں آکھیا کہ مارچ2016وچ فرانس توں بحر ہند ول اک اسلحہ دا غیت رجسٹرڈبحری جہاز پھڑیچیا گیا سی اتے تفتیشاں بعدوں پتہ چلیا ہے کہ ایہہ ایران توں نکلیا سی۔امریکہ دا آکھنا ہے کہ سیکورٹی کونسل ایران بارے نرم رویہ رکھدی ہے۔جرمنی سنے یورپی یونین والے ایران نال کیتے جوہری معاہدے نوں اک وڈی سفرتی کامیابی آکھدے نیں جداں کہ ٹرمپ ہوری ایس معاہدے توں پچھے ہٹن دے بہانے لبھ رہے نیں۔معاہدے توں نکلے بغیر ایران نال جنگ نوں عالمی حمائیتاں نہیں مل سکدیاں۔ایران دا مستقبل ایس معاہدے نال جڑیا ہے پر ایران وچاسلامی انقلابیاں دا وڈا گروہ وی ایران نوں ایس معاہدے توں کڈہنا چاہندا ہے۔ایس گروہ نوں ایرانی چوناں وچ شکست ہو چکی ہے۔پر ٹرمپ دا مسئلہ جنگ توں بغیر حل نہیں ہونا تاں مارے اوہ اجہے ملک دی تلاش وچ ہے جتھے نویں جنگ شروع ہو سکے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels